Miss Musana yakoreye ubukwe ahitwa Kareb Garden ku i Rebero kuri uyu wa 27 Nzeri 2024.

Mu gitondo cy’uyu munsi w’ibirori habaye umuhango wo gusaba no gukwa, ku gicamunsi cyaho hakurikiraho umuhango wo gusezerana imbere y’Imana mu gihe ku mugoroba hategerejwe ibirori byo kwakira abatumiwe no kwishimana n’abageni.

Miss Musana afite inkuru yihariye kuko nyuma yo kwitabira irushanwa rya Miss Rwanda 2020 ntahirwe, yaje gufata icyemezo cyo gusubirayo kugira ngo arebe ko yabona amahirwe yo kwiga kaminuza kuko yari yabuze ubushobozi.

Uyu mukobwa wahiriwe n’iri rushanwa yinjiye muri 20 bagiye mu mwiherero, ahabwa amahirwe yo kwiga muri University of Kigali, ndetse anahabwa ikamba ry’uhiga abandi mu kugira umushinga mwiza.

Miss Musana wahize abandi mu kugira umushinga mwiza, yahawe igihembo cyo kuba ’Brand Ambassador’ wa BK, akajya abihemberwa ibihumbi 500 Frw buri kwezi, ndetse iyi banki yiyemeza kumufasha gushyira mu bikorwa umushinga we.

Ku ikubitiro Banki ya Kigali yabanje gutegurira uyu mukobwa amahugurwa y’uburyo imishinga icungwa binyuze mu gikorwa iyi banki yise ‘Urumuri’.

Uretse amahugurwa yamaze amezi atandatu, Banki ya Kigali yageneye Miss Musana inkunga ya miliyoni 24 Frw zo gutangiza umushinga we.

Aya mafaranga yarimo ayo kugura imashini ikora ibi bikombe, kugura impapuro zo kubikoramo, gukodesha aho akorera ndetse no kwishyura abakozi.

Abageni basezeraniye mu busitani bwabereyemo ibirori by'ubukwe

Ni ubukwe bwitabiriwe n'abo mu miryango y'abageni

Musana Teta Hense n'umugabo we basengewe

Musana Teta Hense asinyira isezerano yahaye umugabo we

Byari ibyishimo hagati ya Musana Teta Hense n'umugabo we nyuma yo gusezerana

Musana Teta Hense nawe ubwe yambitse impeta umugabo we

Musana Teta Hense yambitswe impeta n'umugabo we

Musana Teta Hense arahirira isezerano yahaye umugabo we

Abageni n'ababyeyi babo mu by'umwuka bafata ifoto y'urwibutso

Amafoto: Kwizera Hervé