00:00:00 IGIHE NETWORK KN KINYARWANDA EN ENGLISH FR FRANCAIS

Miss Ingabire Grace yamenye abakobwa bazahatana muri Miss world 2021

Yanditswe na Nsengiyumva Emmy
Kuya 24 Ugushyingo 2021 saa 06:15
Yasuwe :
0 0

Miss Ingabire Grace uhagarariye u Rwanda mu irushanwa rya Miss World 2021 yahawe itsinda ry’abo bagiye guhatana muri ‘Head to head challenge’, aho ubaye uwa mbere muri buri tsinda ahita ahabwa amahirwe yo kwinjira mu kindi cyiciro cya Top 40, kiba kirimo abakobwa 40 bakomeza urugendo rwo guhatanira ikamba.

Kuri uyu wa 24 Ugushyingo 2021, Miss Ingabire Grace yashyizwe mu itsinda rya 13 ahuriyemo n’abakobwa bahagarariye ibihugu birimo u Bubiligi, Ireland, Colombia, Curacao, Finland.

Aba bakobwa uko ari batandatu bazagira umwanya wo kugirana ikiganiro mpaka bityo habeho amatora y’uwitwaye neza kurusha abandi.

Uzaba yatowe cyane niwe uzaba ari uwa mbere bityo ahite ahabwa amahirwe yo kwinjira mu cyiciro cya Top 40, kiba kirimo abakobwa 40 bazatoranywamo uzatwara iri kamba.

Iri tsinda rya Miss Ingabire ni rimwe mu matsinda 15 aba agizwe n’abakobwa bitabiriye iri rushanwa. Uretse abakobwa 15 baba bavuye mu matsinda, abandi 25 bagenda batoranywa bitewe n’amarushanwa atandukanye ategurwa muri Miss World.

Aba bakobwa bahawe amatsinda ku munsi wanabereyeho ikiganiro n’abanyamakuru cyatangije irushanwa rya Miss World 2021 ku mugaragaro.

Ingabire Grace yerekeje muri Puerto Rico mu minsi ishize agiye guhatanira ikamba rya Miss World u Rwanda rwitabiriye ku nshuro ya gatanu.

Ubwo yahagurukaga mu Rwanda, Miss Ingabire yasabye buri wese kumushyigikira akazamutora bihagije kuko ari imwe mu maturufu afasha umukobwa kwitwara neza.

Ingabire Grace ahagarariye u Rwanda muri Miss Wold 2021
Ingabire Grace (ubanza ibumoso) n'itsinda ry'abakobwa batandatu bazahatana muri Head to head challenge

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .