Miss Earth: Igiraneza yiyerekanye mu nshabure mu cyiciro cy’imyambaro gakondo(Amafoto)

Yanditswe na Uwiduhaye Theos
Kuya 15 Ukwakira 2019 saa 01:06
Yasuwe :
0 0

Irushanwa rya Miss Earth rigeze aharyoshye! Nyuma yo kwiyerekana mu myambaro itandukanye irimo yo kogana (bikini) n’amakanazu maremare, hari hatahiwe imyambaro gakondo ya buri gihugu.

Muri Miss Earth iri kubera muri Philippines, abakobwa bari muri iri rushanwa basabwe kwerekana imico y’ibihugu ariko cyane cyane mu myambaro.

Aha, ababashije kumasha ntibatanzwe; aberekana intambuko nabo baba barasakiwe, Ndekwe Igiraneza Paulette uhagarariye u Rwanda we yiyerekanye yambaye incabure ndetse yaciye bugufi anafite icyansi ashaka kwerekana ko mu Rwanda inka zikamwa.

Aba bakobwa bose uko ari 85 bagiye batambuka imbere y’abari bitabiriye iki gikorwa, ndetse n’abagize akanama gashinzwe gutanga amanota n’ubwo atahise atangazwa.

Mu cyiciro cyari cyabanje Igiraneza Ndekwe Paulette uhagarariye u Rwanda mu irushanwa rya Miss Earth 2019, ntabwo yabashije kuza mu myanya y’imbere mu cyiciro itsinda arimo ryahatanyemo cyo kwiyerekana muri Bikini.

Abakobwa babashije kuza mu myanya itatu ya mbere ni uwo muri Ukraine witwa Diana Shabas, uwo muri Puerto Rico witwa Nellys Pimentel ndetse n’uwo muri Équateur witwa Antonela Paz.

Mu byiciro bibiri bimaze guhatanirwa mu itsinda rya Igiraneza hagatangwa amanota; birimo icyo kwiyerekana muri Bikini no mu makanzu maremare. Nta na kimwe uyu Munyarwandakazi arabasha kwegukanamo umudari.

Nyuma, akanama nkempurampaka katangaje ko abakobwa bahize abandi bagendeye ku migabane bakomokamo.

Muri Afurika, uwo muri Kenya yaje imbere akurikirwa n’uwo muri Zambia uwo muri Nigeria aba uwa gatatu.

Ku mugabane wa Aziya na Oceania muri Mongolia, ni we waje imbere akurikirwa n’uwo muri Phillipines, uwo muri Vietnam aba uwa gatatu.

Abakomoka ku Mugabane wa Amerika babimburiwe n’uwo muri Chili wahize abandi akurikirwa n’uwo muri Panama na Peru.

I Burayi uwo muri Espagne ni we waje imbere, uwa Czech Republic akurikiraho naho uwa gatatu aba uwo muri Crimea.

Umukobwa wabaga uwa mbere ku mugabane we yahabwaga umudali wa zahabu, umukurikira akabona uw’umuringa uwa gatatu agahabwa umudari wa bronze.

Irushanwa rya Miss Earth rihuza abakobwa baturuka mu bihugu bitandukanye ku Isi, ryatangijwe ku mugaragaro mu 2001 rifite intego yo kwifashisha ba Nyampinga mu buvugizi no guteza imbere urwego rw’ibidukikije.

Igiraneza yabaye Nyampinga w’Ishuri rya ETMR (Ecole Technical Muhazi Rwanda) mu 2016, yitabira Miss Rwanda mu 2019 ndetse aza kuba muri 20 bitabiriye irushanwa rya Miss Supranational Rwanda mu 2019.

Ni ku nshuro ya gatatu u Rwanda rwitabiriye Miss Earth, mu 2017 rwaserukiwe na Uwase Hirwa Honorine wubatse izina nka “Miss Igisabo” mu gihe mu mwaka ushize Umutoniwase Anastasie ari we waryitabiriye.

Reba andi mafoto ya bamwe mu bakobwa bahatanye na Igiraneza nabo biyerekana mu myambaro gakondo y’iwabo

Ndekwe Paulette uhagarariye u Rwanda muri Miss Earth yiyerekanye yambaye inshabure anafite icyansi
Umukobwa wo muri Botswana yiyerekana mu mwambaro gakondo w'iwabo
Umukobwa wo muri Equateur yaserutse muri ubu buryo
Umukobwa wo muri Nigeria atambukana ishema n'isheja mu mwambaro gakondo w'iwabo
Umukobwa wo muri Guyana yaserutse yambaye umwambaro gakondo w'iwabo
Uwo muri Guatemala ni uko yari yambaye
Ubwo umukobwa wo muri Afurika y'Epfo yiyerekanaga
Ubwo umukobwa wo muri Bresil yatambukaga yiyerekana mu mwambaro gakondo
Ubwo uwo muri Zimbabwe yiyerekanaga
Umuhindekazi ni uku yaserutse yambaye mu myambaro gakondo y'iwabo
Uwo muri Canada ni uku yaserutse
Uwo muri Chile yatambutse mu mwambaro gakondo w'iwabo amwenyura
Umukobwa wo muri Gambia yiyerekana mu mwambaro gakondo
Uwo muri Haiti ni uku yambaye
Uwo muri Cameroon yiyerekana mu mwambaro gakondo
Umunya-Ghana yiyerekana muri umwe mu myambaro gakondo y'iwabo
Umunya-Korea yaserutse yambaye kimono, umwambaro gakondo w'iwabo
Umunya-Peru ni uko yaserutse mu mwambaro gakondo w'iwabo
Uwo muri Argentine ni uku yatambutse imbere y'abari bitabiriye
Uwo muri Puerto Rico ni uko yari yambaye
Uwo muri Israel yambaye muri amwe mu mabara agize ibendera ry'igihugu cye
Uwo muri Kenya ubwo yatambukaga yiyerekana mu mwambaro gakondo
Uwo muri Liberia ni uku yaserutse yambaye mu mwambaro w'iwabo gakondo
Uwo muri Mexique ni uku yasertse yambaye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza