Uyu muhango wabaye kuri uyu wa 15 Kanama 2024 wakurikiye uwo gusaba no gukwa wabaye mu cyumweru gishize, uyu ukaba ari umuhango na wo wakurikiye uwo gusezerana imbere y’amategeko wabereye muri Leta Zunze Ubumwe za Amerika ku wa 22 Gashyantare 2024.

Ubukwe bwa Miss Kayibanda Aurore burasorezwa mu muhango wo kwakira abatumiwe uteganyijwe kubera mu Intare Arena ku mugoroba wo ku wa 15 Kanama 2024.

Muri Mutarama 2023 ni bwo Gatera yafashe icyemezo yambika impeta Miss Kayibanda amusaba ko bazabana akaramata undi na we yemera atazuyaje.

Miss Kayibanda na Gatera bari basanzwe batuye muri Leta Zunze Ubumwe za Amerika, ni na ho basezeraniye imbere y’amategeko mbere y’uko bemeranya gukorera ubukwe mu Rwanda ari na ho bazatura.

Miss Aurore Kayibanda yambitswe Ikamba rya Miss Rwanda mu 2012, mu 2015 aza kwerekeza muri Leta Zunze Ubumwe za Amerika aho yari agiye gukomereza amashuri.

Ubwo Aurore Kayibanda n'umugabo we bari bageze ku rusengero

Byari ibyishimo kuri Miss Aurore Kayibanda warushinze

Ubwo Miss Aurore Kayibanda yasomaga isezerano rye

Byari ibyishimo kuri Miss Aurore Kayibanda na Gatera Jacques

Miss Aurore Kayibanda asoma ku muvinyo nyuma yo gusezerana imbere y'Imana

Miss Aurore Kayibanda yashyize umukono ku nyandiko yemera ko arushinze na Gatera

Miss Aurore na Gatera Jacques bahimbaza Imana

Bahawe icyemezo cy'uko basezeranye imbere y'Imana

Gatera Jacques na Miss Aurore Kayibanda bamaze kurushinga

Amafoto: Kasiro Claude