Miss Akacu Lynca yasezeranye mu murenge n’umusore bamaze igihe bakundana (Amafoto)

Yanditswe na Uwiduhaye Theos
Kuya 7 Ukuboza 2020 saa 12:50
Yasuwe :
0 0

Miss Akacu Lynca wabaye igisonga cya kabiri muri Miss Rwanda mu 2015 yasezeranye imbere y’amategeko n’umusore uzwi nka Guy Alain bamaze igihe mu rukundo.

Ni umuhango wabaye mu mpera z’icyumweru gishize aho aba bombi bahamije isezerano, nyuma y’igihe kinini bari bamaze bagaragarizanya amarangamutima umunsi ku wundi. Uyu muhango wabereye mu Murenge wa Kimihurura mu Mujyi wa Kigali.

Ntabwo indi mihango ijyanye no gusezerana imbere y’Imana, igihe izabera kiramenyekana.

Guy Alain yabwiye IGIHE ko we n’uyu mukobwa bagiye kurushinga bamaze imyaka itanu bakundana. Ati “Tumaze imyaka itanu dukundana. Namukundiye ko agira umutima mwiza nanjye ankundira imico yanjye. Twarahuje cyane.”

Yakomeje avuga ko we n’umukunzi we bateganya gusezerana muri uku kwezi ariko yirinda kuvuga amatariki, avuga ko kubera ibihe isi irimo by’icyorezo atabivuga mu rwego rwo kwirinda ko abantu bamwe baza ari benshi bigateza ikibazo.

Muri Gashyantare Guy Alain uririmba indirimbo zo kuramya no guhimbaza Imana, yafashe icyemezo cyo kwambika impeta Miss Akacu Lynca amusaba ko yazamubera umugore.

Icyo gihe abinyujije kuri Instagram yagize ati ”Byabaye, nateye ivi musaba ko twakomezanya urugendo arabyemera! Niba muzi Lynca muzi uburyo ndi umusore w’umunyamugisha, niba munzi muzi ukuntu ndi umunyamugisha kugira Lynca, niba mutuzi twese, muzi uburyo ndi umunyamugisha kubana na Lynca muri ubu buzima. Ndagukunda Lynca.”

Guy Alain ni umwe mu bagize itsinda rya muzika riririmba indirimbo zo kuramya no guhimbaza “Alive and Freed”.

Miss Akacu Lynca ufite imyaka 23, yabaye igisonga cya kabiri cya Miss Rwanda akurikiye Uwase Vanessa Raïssa wabaye igisonga cya mbere. Bombi bari bagaragiye Kundwa Doriane watowe nka Nyampinga w’u Rwanda mu 2015.

Aba bombi bamaze imyaka itanu bakundana
Bari baherekejwe n'inshuti n'imiryango yabo
Akacu Lynca ubanza ibumoso yabaye igisonga cya kabiri cya Miss Rwanda mu 2015
Akacu n'umugabo we ubwo basezeranaga mu murenge
Akacu yamanitse ukuboko yemera kuzaba umugore wa Alain Guy
Akacu yari ari mu bakobwa bitabiriye Miss Rwanda mu 2015 ndetse yanegukanye ikamba
Akanyamuneza kari kose kuri aba bombi nyuma yo gusezerana imbere y'amategeko
Alain Guy asobanura Akacu nk'umukobwa udasanzwe
Bahora mu bihe by'umunezero

Amafoto: Flick Studios


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .