Uyu muganda wabereye mu Karere ka Rubavu, warangiye abawitabiriye bateye ibiti ibihumbi umunani kuri hegitari eshanu.

Umuyobozi w’Akarere ka Rubavu, Mulindwa Prosper yavuze ko bahisemo gutera ibiti ahahoze iri rimbi ryafunzwe mu rwego rwo kuhabungabunga kuko itegeko rigena ko bagomba gutegereza imyaka 20 kugira ngo hakoreshwe.

Minisitiri w’Ubuzima, Dr. Nsanzimana Sabin, yatanze ubutumwa bwo kwirinda ibiyobyabwenge ndetse no kwirinda agakoko gatera SIDA, dore ko ari nacyo gikorwa cyazanye aba bahanzi muri aka karere, ahateganyijwe igitaramo cy’ubukangurambaga bwo kwirinda iyi ndwara yibasira urubyiruko.

Ati “Indi mpamvu itubesheje aha ni ukubakangurira kwirinda icyorezo cya SIDA, tugiye kwizihiriza inaha umunsi mpuzamahanga wo kurwanya agakoko gatera SIDA kuko gikabije kwigaragaza mu rubyiruko cyane.”

Abahanzi bitabiriye iki gikorwa barimo Riderman, Platini, Marina na Juno Kizigenza bagomba gutaramira abitabira ibirori byo kurwanya Virusi itera SIDA bibera ku kibuga cya Nengo. Aba bahanzi kandi nabo bifatanyije n’abaturage muri uyu muganda rusange.

Mu bandi bitabiriye harimo ubuyobozi bw’akarere n’ubwa Lake Kivu Serena Hotel bwari buri kumwe n’abashyitsi 24 baturutse mu muryango witwa ‘World Vegan Travel’ bagenderera u Rwanda buri mwaka.

Uretse igitaramo giteganyijwe mu Karere ka Rubavu, byitezwe ko umunsi mpuzamahanga wo kurwanya agakoko gatera SIDA ku rwego rw’Igihugu uzizihirizwa muri Rubavu Intare Arena ku wa 1 Ukuboza 2024.

Uyu muganda wabereye ahahoze irimbi ryafunzwe burundu

Jonathan Cheres (iburyo) Umuyobozi wa Lake Kivu Serena Hotel na Leon Munyeshuri ukuriye serivise zo kwakira abakiliya muri iyi hoteli bari bitabiriye uyu muganda

Abashyitsi 24 baturutse muri 'World Vegan Travel' bari bitabiriye uyu muganda

Abashyitsi bari mu Karere ka Rubavu bari bishimiye igikorwa cy'umuganda rusange

Ubwo Minisitiri Dr. Nsanzimana Sabin yari ageze ahabereye umuganda rusange, yahawe ikaze n'umuyobozi w'Akarere ka Rubavu ndetse na Mufti w'u Rwanda, Sheikh Mussa Sindayigaya

Abayobozi ba Lake Kivu Serena Hotel basobanuriye Minisitiri Dr. Nsanzimana byinshi ku bashyitsi baturutse muri 'World Vegan Travel'

Umuyobozi w'Akarere ka Rubavu yabanje kuganiriza Minisitiri Dr. Nsanzimana impamvu bahisemo gukorera umuganda ahari hubatse irimbi

Abayobozi banyuranye bafatanyije na Minisitiri Dr. Nsanzimana gutera igiti

Abayobozi banyuranye bafatanyije na Minisitiri Dr. Nsanzimana gutera igiti

Minisitiri Dr. Nsanzimana yateye igiti aniyemeza kuzagikurikirana

Byari ibyishimo kuri Minisitiri Dr. Nsanzimana nyuma yo gutera igiti cye

Mufti w'u Rwanda, Sheikh Mussa Sindayigaya nawe yateye igiti cye

Minisitiri Dr. Nsanzimana yanabanje kwicukurira aho agiye gutera igiti

Nyuma y'umuganda rusange hafashwe ifoto y'urwibutso

Abashyitsi bo muri World Vegan Travel bishimiye gukorana umuganda n'abaturage b'i Rubavu

Minisitiri Dr. Nsanzimana aramukanya na Riderman

Ubwo Juno Kizigenza yasuhuzaga Minisitiri Dr. Nsanzimana

Minisitiri Dr. Nsanzimana yabanje kuganiriza abahanzi kuri gahunda y'umuganda

Nemeye Platini yateye igiti cye i Rubavu

Abahanzi bose bateranye igiti na Minisitiri w'Ubuzima Dr. Nsanzimana

Marina ni umwe mu bitabiriye uyu muganda, aha akaba yari ahari hagiye kubera inama y'abaturage

Amafoto: Nsengiyumva Emmy