Mike Tyson yishinja kugira uruhare mu rupfu rwa Tupac

Yanditswe na IGIHE
Kuya 16 Ukuboza 2020 saa 06:55
Yasuwe :
0 0

Imyaka 26 irirenze umuraperi Tupac Amaru Shakur wamamaye nka 2Pac apfuye ndetse benshi mu bakunda Hip Hop n’abandi bakurikirana ibijyanye n’umuziki ntibahwema kugaragaza ko basigiwe intimba n’urupfu rwe.

Tupac Amaru Shakur yamenyekanye cyane ku Isi nk’umwe mu mpirimbanyi mu bakora injyana ya Hip-Hop, izina rye ryabaye ikimenyabose guhera mu 1987, urugendo arusoza mu 1996 ubwo yarasirwaga urufaya rw’amasasu mu modoka yari arimo mu ijoro ubwo yari yitabiriye umukino w’iteramakofe wahuje Bruce Seldon na Mike Tyson ku wa 7 Nzeri 1996

Mike Tyson wamamaye mu iteramakofe wari mu rungano rwa 2Pac, ndetse akaba yari inshuti magara ye, yavuze ko yishinja icyaha ku rupfu rw’uyu muraperi kuko ariwe wakomeje kumuhatiriza kwitabira umukino we na Bruce Seldon.

Tyson yabwiye Vlad TV ko yashakaga kuza kujya aho barwanira, hari gucurangwa indirimbo ya 2Pac.

Ati “Wari umunsi mubi mu by’ukuri ubwo biriya byabaga. Wari umunsi mubi. Numva nishinja icyaha mo gato ku kuza kwe muri uriya murwano. Namushyizeho igitutu, mubwira kuzana kasete (tape) yari iriho indirimbo, nashakaga kujya mu kibuga harimo indirimbo ye.”

Tyson yavuze ko nyuma yo kurwana hari gahunda yo gusanga Tupac mu kabyiniro ka 662, avuga ko yahinduye gahunda yo kujyayo kubera ko yari amaze iminsi mike yibarutse akajya kwita ku muryango mu rugo.

Mike Tyson avuga ko yishinja kuba yarashyize igitutu kuri 2Pac akitabira umukino we
2Pac ni umwe mu baraperi bubatse amateka ariko yapfuye akiri muto

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .