Ku rutonde rw’abahanzi bazasusurutsa abazitabira imikino ya BAL, IGIHE yamenye ko hariho abahanzi nka; Bushali, Ish Kevin, Mike Kayihura, Ruti Joel, Itorero Mashirika, DJ Marnaud, DJ Toxxyk na DJ Makeda.

Ku wa 21 Gicurasi 2022 ubwo hazaba hafungurwa ibirori byitezwe ko hazatarama; Mashirika, Ish Kevin, Ruti Joel na DJ Toxxyk.

Guhera ku wa 22 Gicurasi 2022 kugeza ku wa 25 Gicurasi 2022, DJ Makeda ni we uzaba asusurutsa abazitabira ibi birori. Ku wa 25 Gicurasi ariko kandi Bushali azaba asusurutsa abazitabira imikino ya BAL.

Kuva ku wa 25 Gicurasi 2022 kugeza ku wa 27 Gicurasi 2022, DJ Marnaud ni we uzaba asusurutsa abazitabira iyi mikino.

Ubwo irushanwa rya BAL rizaba risozwa Ku wa 28 Gicurasi 2022, Mike Kayihura ni we uzaba asusurutsa abazitabira umukino wa nyuma w’iyi mikino.

REG niyo izaserukira u Rwanda mu mikino ya BAL iteganyijwe kubera i Kigali

Ruti Joel ari mu bahanzi bazasusurutsa abazitabira umukino wo gufungura irushanwa rya BAL

Bushali azabanza gutaramira i Kigali mbere gato yo kwerekeza i Dubai aho afite igitaramo mu mpera za Gicurasi 2022

Ish Kevin uri mu baraperi bazamuye izina ryabo mu muziki w'u Rwanda yatoranyijwe mu bazatarama muri BAL

DJ Toxxyk uri mu bakunzwe i Kigali nawe azasusurutsa abazitabira umukino wa mbere muri BAL

Makeda ni we mu DJ w'umukobwa rukumbi uzacuranga muri BAL

Mike Kayihura uri mu bahanzi bagezweho azasusurutsa abazitabira umukino wa nyuma muri BAL

Itorero Mashirika riri mu batoranyijwe ngo bazasusurutse abazitabira ibirori byo gufungura BAL

DJ Marnaud uzwiho kuririmba no kuvanga imiziki ni umwe mu bazasusurutsa abazitabira ibi birori