Meddy yashyizwe mu bahataniye ibihembo bya MTV

Yanditswe na Uwiduhaye Theos
Kuya 21 Mutarama 2021 saa 10:53
Yasuwe :
0 0

Umuhanzi w’umunyarwanda Ngabo Médard Jobert wamamaye nka Meddy ukorera muzika muri Leta Zunze Ubumwe za Amerika, yashyizwe ku rutonde rw’abahanzi bakomeye ku mugabane wa Afurika bahataniye ibihembo bya MTV Africa Music Awards Kampala 2021 [MAMAs].

Meddy yashyizwe mu cyiciro ‘Listener’s Choice’. Iki cyiciro kirimo abahanzi 19 bo mu bihugu bitandukanye byo muri Afurika.

Meddy ahatanye n’Umunya-Angola Anna Joyce , Asaph wo muri Zimbabwe, Dagi D wo muri Ethiopia, DBN Gogo & DJ Dinho na Focalistic bo muri Afurika y’Epfo, Didi B wa Côte d’Ivoire, Drizilik wo muri Sierra Leone, Umuraperi Khaligraph Jones wo muri Kenya na Locko wo muri Cameroon.

Harimo kandi Malome Vector Lesotho, Mohamed Ramadhan wo mu Misiri, Ngaaka Blinde wo muri Sénégal, Pallaso na Slick Stuart & DJ Roja bo muri Uganda, Rayvanny wo muri Tanzania, Sarkodie wo muri Ghana, Shirazee ukomoka muri Bénin, Souhila Ben Lachhab wo muri Algeria ndetse na Tiwa Savage uri mu bagore bafite izina rikomeye muri Nigeria.

Tariki 09 Ukuboza 2020, nibwo ubuyobozi bwa MTC Africa Music Awards, bwatangaje abahanzi bahize abandi muri Afurika bashyizwe mu byiciro bahatanira ibihembo bizatangwa ku wa 20 Gashyantare 2021 hifashishijwe ikoranabuhanga bica kuri MTV Base.

Abahanzi batandatu bo muri Uganda ni bo bagaragara ku rutonde rw’abahataniye ibi bihembo bitangwa na Televiziyo ya MTV Africa.

Calema wo muri São Tomé and Príncipe ayoboye urutonde rw’abahataniye ibi bihembo, aho ari mu byiciro bitatu birimo Artist of the Year, Best Group na Best Lusophone Act.

Abandi bahanzi bakomeye nka Burna Boy, Busiswa, Davido, Diamond Platnumz, Innoss’B, Kabza De Small, John Blaq, Master KG, Suspect 95, Sheebah, Soraia Ramos, Tiwa Savage, Yemi Alade na WizKid bari mu byiciro bibiri.

Ibi bihembo bihatanyemo abahanzi 52 bo mu bihugu 15 bashyizwe mu byiciro 10. MTV Africa Music Award yatangiye gutangwa mu 2008 muri Nigeria, 2009 muri Kenya. Byongeye gutangwa mu 2014 muri Afurika y’Epfo, 2015 no mu 2016.

Kuva icyo gihe ibi bihembo ntibyongeye gutangwa, aho mu minsi ishize ari bwo ubuyobozi bwa MTV bwatangaje ko byasubukuwe bihawe umwihariko wo muri Uganda ndetse abahanzi bo muri iki gihugu harimo icyiciro cyabo bonyine. Gutora biri gukorerwa ku rubuga rwa mtvafrica.com.

Si ubwa mbere Meddy yitabira ibihembo nk’ibi, kuko mu 2016 nabwo yabonetse mu cyiciro cya ‘Listener’s Choice Awards’. Icyo gihe yari yashyizwe mu cyiciro kimwe na Yamoto Band (Tanzania), Burna Boy na Kiss Daniel (Nigeria), Zaho (Algeria), Bebe Cool (Uganda) n’abandi.

Reba urutonde rwose rw’abahanzi bari guhatana muri ibi bihembo : https://www.musicinafrica.net/magazine/mtv-africa-music-awards-2021-all-nominees

Meddy yashyizwe muri ibi bihembo ku nshuro ya kabiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .