00:00:00 IGIHE NETWORK KN KINYARWANDA EN ENGLISH FR FRANCAIS

Meddy n’abafana be bari gukusanya miliyoni 6 Frw yo gufata mu mugongo umuryango wa Akeza

Yanditswe na Nsengiyumva Emmy
Kuya 21 January 2022 saa 07:31
Yasuwe :

Meddy afatanyije n’ihuriro ry’abafana be bitwa ‘Inkoramutima’, batangiye gukusanya miliyoni 6 Frw yo gufata mu mugongo umuryango wa Akeza Elsie uherutse kwitaba Imana aguye mu kigega cy’amazi.

Akeza Elsie yari umwana ukiri muto yamenyekanye cyane ubwo yasubiragamo indirimbo yitwa ‘My Vow’ ya Meddy.

Uyu mwana uherutse kwitaba Imana, umurambo we usangwa mu kigega y’amazi, urupfu rwakoze ku mitima ya benshi.

Urupfu rw’uyu mwana w’umukobwa rwamenyekanye mu mpera z’icyumweru gishize.
Urwego rw’Igihugu rw’Ubugenzacyaha rukomeje iperereza ku cyateye urupfu rw’uyu mwana, bikekwa ko yaguye mu kigega kibikwamo amazi ku wa 14 Mutarama 2022.
Rutiyomba Akeza Elisie yigaga mu mwaka wa mbere w’amashuri abanza.

Kimwe n’abanyarwanda bamenye iyi nkuru, benshi mu byamamare bashenguwe n’urupfu rwe aho mu bababaye cyane harimo na Meddy.

Meddy n’abafana be, mu gufata mu mugongo umuryango wa Akeza, batangiye gukusanya amafaranga banyuze kuri Gofundme.

Nyuma y’amasaha make hatangijwe ubu bukangurambaga bwo gukusanya iyi nkunga, hamaze kuboneka arenga miliyoni y’amafaranga y’u Rwanda.

Kanda hano ubashe kwifatanya na Meddy mu gufasha umuryango w’uyu mwana

Meddy yatangiye gukusanya miliyoni 6Frw zo gufasha umuryango wa Akeza witabye Imana aguye mu kigega
Akeza Elsie ni umwana wari ukiri muto wamenyekanye cyane ubwo yasubiragamo indirimbo ‘My Vow’ ya Meddy

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .