Ni igitaramo cyitwaga ‘Marnaud Music Therapy’ cyateguwe na DJ Marnaud cyabereye ahitwa Juru Park mu ijoro ryo ku wa Gatanu tariki 1 Nyakanga 2022.

Cyaranzwe n’umuziki utandukanye watumye abitabiriye bataha banyuzwe.

DJ Marnaud wavangaga imiziki, yasusurukije abakunzi b’umuziki yanyuzagamo akibutsa ko iki aricyo gitaramo cye cya mbere ateguye.

Costa Titch waririmbiraga ku i Rebero yanyuze Abanyakigali mu gihe yari abizi ko ategerejwe i Rubavu mu gitaramo cya Kivu Fest giteganyijwe ku wa 2-3 Nyakanga 2022.

Uyu muhanzi yatangiye umuziki ari umubyinnyi nyuma aza guhindura yinjira mu kuririmba. Yatangiye kumenyekana mu 2017 ubwo yashyiraga hanze indirimbo yise ‘Activate’ ya Hip Hop, cyane ko ariyo njyana yatangiye aririmba.

Yamamaye mu zindi ndirimbo zirimo ‘Nkalakatha Remix’ yakoranye na Riky Rick uheruka kwitaba Imana na AKA ndetse ubu agezweho muri ‘Big Flexa’ yakoranye na C’buda M, Alfa Kat, Banaba Des, Sdida na Man T iri mu ‘Amapiano’. Iyi ni nayo yazamuye igikundiro cye cyane muri Afurika yose cyane ko imaze kurebwa na miliyoni 11 kuri Youtube.

Hari kandi iyitwa ‘Champuru Makhenzo’ nayo yo mu Amapiano yakoranye na MA GANG, Phantom Steeze, ManT, Sdida na C’BUDA M, ‘Nomakanjani’, ‘Monate C’ yakoranye na AKA n’izindi.

Heineken yari yiteguye kumara abantu icyaka

Abazindutse babanje kuzimya icyaka mbere yo kwinjira mu gitaramo

Gake gake umuziki bari batangiye kuwinjira

Icyaka cyari ikizira muri Juru Park ku i Rebero

DJ Marnaud yavangaga imiziki yibutsa abantu ko iki aricyo gitaramo cye cya mbere ateguye

Byose byari biteguye neza, abitabiriye iki gitaramo batashye bahaye amanota DJ Marnaud n'ikipe bakorana

Mu ijoro umuziki nabwo wakomeje kugeza ku masaha yemewe yo gucuranga

Weekend yo kwibohora yatangiranye n'igitaramo cya DJ Marnaud

DJ Marnaud yagize umwanya uhagije wo gususurutsa abakunzi be

Ni uku Costa Titch yahingutse ku rubyiniro

Uyu musore ari mu bahanzi bafite abafana batari bake mu Rwanda

Abafana be bari banyotewe n'injyana y'Amapiano batashye bashize inyota

Buri wese yashakaga gucyura agafoto k'urwibutso

Imyambarire ye yemeje abatari bake

Abafana bari benshi ku i Rebero

Costa Titch watanze ibyishimo i Kigali anategerejwe mu Karere ka Rubavu muri 'Kivu Fest'

Abanyamujyi bari babukereye

DJ Marnaud na Costa Titch bashimiye abafana bitabiriye iki gitaramo

Umuhanzikazi Babo yanze gutahira aho, acyura agafoto ka Costa Titch