Uyu muhanzi uri mu bafite izina rikomeye, yavuye muri Uganda ashimangiye ko ari umwe mu bahanzi bahagaze neza mu muziki wo kuramya no guhimbaza Imana.

Nyuma yo gukorera igitaramo gikomeye ahitwa Lugogo Cricket Oval cyabaye ku wa 23 Kanama kinitabirwa n’abakunzi b’umuziki we batari bake, Israel Mbonyi yari ategerejwe i Mbarara ku wa 25 Kanama 2024.

Uyu musore wakiranywe urugwiro mu Mujyi wa Mbarara, isaha y’igitaramo yaje kugera ajya gutaramira abakunzi be babarirwaga hagati ya 1500-2000.

Mu bitabiriye iki gitaramo harimo Sekuru n’abandi bo mu muryango we.

Ubwo yari ageze ku muryango we, Israel Mbonyi yagize ati “Ndabizi hano hari umuryango wanjye, hari ba masenge, ndagushimira cyane Sogokuru kuba mwaje kunshyigikira ni iby’agaciro.”

Israel Mbonyi yahise akomeza gushimisha abakunzi be ari na ko Sekuru yitegereza ibyo umwuzukuru we ari gukora n’uburyo akunzwe bikomeye.

Nyuma y’iki gitaramo, Israel Mbonyi yagize umwanya wo kwakira umuryango we baraganira banafatana amafoto y’urwibutso.

Ibitaramo Israel Mbonyi akoreye muri Uganda bikurikiye ibyo amaze gukorera i Burundi na Kenya.

Byitezwe ko mu Ugushyingo azajya gutaramira muri Tanzania.

Kubera ko abenshi bazindutse, byasabye ko amafunguro ya n'ijoro bayafatira mu gitaramo

Abakozi b'Imana Pastor Masembe n'umugore we Vivian Masembe ni bo batumiye Israel Mbonyi muri Uganda

Israel Mbonyi ntabwo yigeze asondeka abakunzi be

Israel Mbonyi yaririmbiye abakunzi be nyinshi mu ndirimbo zakunzwe

Uretse kuririmba, Israel Mbonyi anyuzamo akanaganiriza abakunzi be

Israel Mbonyi wari ukubutse i Kampala yakoreye igitaramo gikomeye i Mbarara

Abakunzi ba Israel Mbonyi na bo ntabwo bamutenguha

Nubwo utagereranya na Kampala, i Mbarara na ho hari hakoraniye abakunzi benshi b'umuziki wa Israel Mbonyi

Israel Mbonyi aba akora umuziki wa Live

Peace Hoziyana ni umwe mu bafasha Israel Mbonyi ku rubyiniro

Israel Mbonyi anyuzamo akanicurangira

Israel Mbonyi yishimiwe i Mbarara

Abakunzi be na bo baba bajyana mu ndirimbo ze zose

Byari ibyishimo byinshi ku bakunzi ba Israel Mbonyi

Bageze aho intebe bazikoza ibicu ngo babashe kugaragariza Israel Mbonyi urukundo

Ubwo Sekuru wa Israel Mbonyi yitegereza ibyo umwuzukuru we akora

Israel Mbonyi yashimiye Sekuru witabiriye iki gitaramo

Sekuru wa Israel Mbonyi wabonaga byamurenze, yibaza ukuntu umwuzukuru we yaje kuvamo icyamamare

Israel Mbonyi yagiriye ibihe byiza i Mbarara

Amafoto: Nsengiyumva Emmy