Masamba yahishuye impanuro yahawe na se zishobora gutuma impano y’umuhanzi izima

Yanditswe na Nsengiyumva Emmy
Kuya 20 Ugushyingo 2020 saa 11:27
Yasuwe :
0 0

Kenshi usanga umuhanzi ukizamuka atarambye mu ruhando rwa muzika kubera impamvu zitandukanye, nk’aho bamwe bishora mu biyobyabwenge bikabicira urugendo impano yabo ikazima mu burundu.

Intore Masamba nk’umwe mu bahanzi b’abanyabigwi mu Rwanda, yahishuye amabanga atatu se yasize amubwiye ashobora gutuma umuhanzi ataramba mu bwamamare.

Yabigarutseho ubwo yahanuraga Chris Hat wari umaze gusinyana amasezerano na Decent Entertainment iyobowe na Muyoboke Alex.

Ubwo yari afashe ijambo, Masamba Intore yabwiye uyu musore ko hari ibintu bitatu akwiye kwirinda kuko bishobora gutuma ubwamamare bwe butaramba.

Yavuze ko ari impanuro yahawe na se, Sentore Athanase, ku buryo umuhanzi wese ubyubakiyeho, akuza impano ye mu buryo butangarirwa na buri wese.

Ati “Icya mbere ni inzoga, uzirinde inzoga zagukura mu kibuga. Ntabwo uzatwika nka bya bindi bavuga. Icya kabiri ni abakobwa, nabo bakura umuntu mu kibuga. Icya gatatu ni ubwamamare, ntuzabyimbe cyane, uzabe umuhanzi ntuzabe icyamamare kuko nuba umuhanzi bizagufasha kwiga, n’uba umusitari uzagira ngo warangije.”

Masamba yashimiye uyu muhanzi ku mpano ye idasanzwe anamumenyesha ko yakunze uko aririmba injyana gakondo.

Masamba Intore yasabye uyu muhanzi kwirinda abagore,inzoga no gutwarwa n'ubwamamare

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .