Ni igitaramo by’umwihariko cyatanze ibyishimo ku bakunzi b’umuziki wo mu bwoko bwa ‘Classic’ cyanakusanyirijwemo inkunga yo gufasha abana baturuka mu miryango itishoboye.

Ni igitaramo cyitabiriwe n’abakunzi b’umuziki aho mu gutangira, abagize Korali Christus Regnat bahaye ikaze abitabiriye ndetse baranabashimira bityo bahita banzika ibyo kubataramira mu ndirimbo zirimo Gusenga, Shimirwa Mukiza, Ndi Umushumba Mwiza n’izindi.

Uko amasaha yigiraga imbere niko abantu barushagaho kwitabira ari benshi bityo nyuma bahamagara Mani Martin ku rubyiniro baririmbana indirimbo ‘Rwanda rwa Gasabo’.

Iki gitaramo byari byitezwe ko gikusanyirizwamo inkunga yo gufasha abana baturuka mu miryango itishoboye muri gahunda ya ‘Dusangire Lunch.’

Mbarushimana Jean Paul, Umuyobozi w’iyi Korali nyuma y’iki gitaramo yabwiye IGIHE ko igitaramo cyabo cyagenze neza nk’uko babyifuzaga, ahamya ko igisigaye ari ukureba icyo imibare y’ibyavuyemo ivuga ngo bamenye umubare w’abana bazafasha.

Ati “Ugeraranyije n’imigendere y’iki gitaramo, uko twabiteguye cyangwa se uko twabyifuzaga niko byagenze. Indirimbo zari nziza kandi ziririmbye neza. Twafashe igihe kinini gihagije cyo kwita ku majwi, rero navuga ko kigenza neza ku kigero twabyifuzagaho.”

Iki gitaramo cyari kinogeye ijisho

Abitabiriye iki gitaramo bari benshi mu cyumba cyabereyemo

Ni igitaramo cyitabiriwe n'abantu biganjemo abakuru mu myaka

Mani Martin yari umwe mu bakurikiye iki gitaramo

Korali Christus Regnat yatanze ibyishimo ku bakunzi b'umuziki wa 'Classic'

Abana bafite impano yo gucuranga no kuririmba batanze ibyishimo ku bakunzi b'umuziki bitabiriye iki gitaramo

Uyu mwana ni umwe mu bagaragaje impano ihambaye mu muziki

Umuziki wa Korali Christus Regnat waryohanye Mani Martin

Ibyishimo byari byose ku bakunzi b'umuziki bitabiriye iki gitaramo

Mani Martin yageze aho afatanya na Korali Christus Regnat

Mani Martin yaririmbanye na Korali Christus Regnat indirimbo ‘Rwanda rwa Gasabo’

Amafoto: Nzayisingiza Fidele