00:00:00 IGIHE NETWORK KN KINYARWANDA EN ENGLISH FR FRANCAIS

Malaika Uwamahoro, Arthur Nkusi n’umubyeyi we bagiye guhurira muri filime ya Leutwyler

Yanditswe na Mahoro Vainqueur
Kuya 17 Mutarama 2023 saa 10:19
Yasuwe :

Abakinnyi ba filime, Malaika Uwamahoro, Arthur Nkusi n’umubyeyi we Mazimpaka Jones Kennedy bagiye guhurira muri filime yanditswe inayoborwa na Matthew Leutwyler umenyerewe sinema ya Hollywood.

Amashusho y’iyi filime yafatiwe muri Repubulika Iharanira Demokarasi ya Congo n’ibice bimwe byo mu Rwanda ikaba yariswe ‘Fight Like a Girl’.

Igaragaramo umukinnyi wa filime, Ama Qamata wo muri Afurika y’Epfo wamamaye muri filime y’uruherekane ‘Blood and Water’ ica kuri Netflix.

Igaruka ku nkuru y’umukobwa muto wo muri Congo witwa Safi (Ama Qamata) ushimutwa n’abantu batazwi akajyanwa mu bucukuzi bw’amabuye y’agaciro butemewe nyuma agashaka uko acika ngo ajye gutangira ubuzima bushya.

Nyuma nibwo yinjira mu ikipe y’abagore bakina umukino w’iteramakofe.

Mazimpaka Jones Kennedy akina muri iyi filime ari umurobyi , Arthur Nkusi akina yitwa ‘Cedrique’ mu gihe Malaika Uwamahoro akina yitwa ‘Marcella’.

Iyi filime yatangiye gukorwa umwaka ushize wa 2022, kugeza ubu ntiharatangazwa igihe izasohokera.

Matthew Leutwyler amenyerewe muri sinema z’i Hollywood; yakoze filime zirimo Uncanny (2015), The River Why (2010) , State of Siege: 26/11, Unearthed (2007), Dead & Breakfast (2004) , n’izindi.

Ama Qamata, Matthew Leutwyler n’ikipe ye bakorana kuri uyu mushinga wa filime bamaze amezi abiri mu Rwanda na Congo bitoza uko bazafata amashusho yayo.

‘Fight Like a Girl’ yashowemo imari na sosiyete Ouenzé Entertainment ya Serge Ibaka umukinnyi wa Basketball mu ikipe ya Milwaukee Bucks yo muri leta ya Wisconsin muri Leta Zunze Ubumwe za Amerika, akaba n’umuhanzi.

Iyi sosiyete afatanyije na Jordi Vilà Sánchez ni ubwa mbere ikoze umushinga wa filime ndende.

Igitekerezo cy’iyi nkuru cyashibuste ku bihe by’imyaka ibiri Leutwyler na Anton Laines bamaze bakurikirana ubuzima bw’itsinda rikina umukino w’iteramakofe muri Congo.

Iyi filime izaba irimo umukinnyi Clarck Ntambwe, Umunye-congo wamamaye mu mukino w’iteramakofe.

Hakeem Kae-Kazim, Umunya-Nigeria wakinnye muri filime nka Godzilla vs. Kong , X-Men Origins: Wolverine, Black Sails nawe ni umwe mu bakinnyi b’iyi filime.

Abandi banyarwanda bagize uruhare ku ikorwa ryayo barimo Innocent Munyeshuri (co-producer), Antoine Nshimiyimana (Production Design), Sisi Ngamije (Costume Design), Clarisse Umutoniwase (Production manager), Gad Rucibigango (first assistant director), Marie-Clementine Dusabejambo (script supervisor), Jean Sébastien Libakare (Art Department), Jean Luc Nsengiyumva (gaffer).

Matthew Leutwyler wanditse akanayobora iyi filime asanzwe afite umuryango utegamiye kuri leta yise ‘We are Limitless’ ufasha abana b’imfubyi bo mu Rwanda no muri Repubulika Iharanira Demokarasi ya Congo.

Umva hano ‘LEGGO’ Indirimbo ya Tayc na Serge Ibaka washoye amafaranga mu ikorwa ry’iyi filime

Uko igikorwa cyo gufata amashusho y’iyi filime cyari kimeze

Arthur Nkusi mu ifatwa ry'amashusho y'iyi filime 'Fight Like a Girl'
Serge Ibaka washoye amafaranga mu ikorwa ry'iyi filime binyuze muri kampani yise Ouenzé Entertainment afatanyije na Jordi Vilà Sánchez
Matthew Leutwyler wanditse akanayobora iyi filime 'Fight Like a Girl'
Hakeem Kae-Kazim umunya-Nigeria wakinnye muri filime nka, Godzilla vs. Kong ni umwe mubagaragara muri iyi filime Fight Like a Girl
Mazimpaka Jones Kennedy akina muri iyi filime ari umurobyi ni umwe mubaha akazi Ama Qamata ukina yitwa Safi muri iyi filime
Inyubako ya BK Arena yifashishijwe muri iyi filime yubakwamo aho barwanira
Malaika Uwamahoro mu ifatwa ry'amashusho y'iyi filime
Ama Qamata wo muri Afurika y'Epfo ni we umukinnyi mukuru muri iyi filime
Muri BK Arena ni hamwe mu hafatiwe amashusho y'iyi filime
Camera yakoreshejwe mugufata amashusho y'iyi filime
Arthur Nkusi na Ama Qamata bahuriye muri iyi filime

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .