Makanyaga yavuye mu bazafasha Clarisse Karasira kumurika album ye ya mbere

Yanditswe na Uwiduhaye Theos
Kuya 1 Ukuboza 2020 saa 06:30
Yasuwe :
0 0

Makanyaga Abdul yavuye mu bahanzi bazafasha Clarisse Karasira mu gitaramo cyo kumurika album ye ya mbere yise ‘Inganzo y’umutima’, byitezwe ko kizitabirwa n’abatarenze 70 bazasabwa kwishyura ibihumbi 100 Frw buri umwe.

Ubuyobozi bwa Indongozi Muzika ireberera inyungu uyu muhanzi, bwashyize hanze itangazo rigaragara ko uyu musaza atazagaragara muri iki gitaramo yari kuzaririmbamo afatanyije n’abandi bahanzi nka Jules Sentore, Karasira Clarisse ndetse na Mani Martin.

Iri tangazo rigira riti “Ubuyobozi bw’Indongozi Muzika burisegura ku bakunzi b’umuziki Nyarwanda muri rusange, by’umwihariko umuziki wa Makanyaga Abdul kuba atazaboneka mu gitaramo cyo kumurika Album y’umuhanzikazi Clarisse Karasira tariki ya 26 Ukuboza 2020, ku mpamvu z’uko Clarisse Karasira yamushyize kuri affiche yamamaza atabyumvikanyeho n’istinda rimuberera inyungu.”

Iri tangazo rikomeza rivuga ko Makanyaga afite ibikorwa ahugiyemo birimo gutegura Album ye nshya n’igitaramo cyo kwizihiza imyaka 50 amaze mu muziki nk’umunyabigwi u Rwanda rufite.

Umuyobozi Mukuru wa Indongozi Muzika, Aime Fulgence Barawigirira, yavuze ko Clarisse Karasira hari ibyo yasabwe kuzuza kugira ngo Makanyaga azaririmbe mu gitaramo cye ariko ntiyabikora.

Uyu muhanzi yahise asimbuzwa Deo Munyakazi na Esther Niyifasha.

Biteganyijwe ko igitaramo cyo kumurika album kizaba tariki 26 Ukuboza 2020 kikabera muri Kigali Serena Hotel.

Makanyaga yakuwe mu bazaririmba mu gitaramo cya Karasira kubera ko hari ibyo ubuyobozi bwa sosiyete imuberera inyungu butumvikanye n'abari kugitegura

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .