00:00:00 IGIHE NETWORK KN KINYARWANDA EN ENGLISH FR FRANCAIS

Madedeli wo muri Papa Sava yashinze sosiyete y’ubwubatsi

Yanditswe na Nsengiyumva Emmy
Kuya 26 July 2022 saa 08:09
Yasuwe :

Dusenge Clenia wamenyekanye muri filime nyarwanda zitandukanye nka Indoto na Papa Sava akinamo yitwa Madedeli yashinze sosiyete y’ubwubatsi yise ‘Clen solutions group’.

Uyu mukobwa wize ibijyanye n’ubukerarugendo yavuze ko yagize igitekerezo cyo gushinga iki kigo agikuye kuri sosiyete y’ubwubatsi yajyaga akoramo ibiraka akiri ku ntebe y’amashuri yisumbuye.

Mu 2013 ubwo Dusenge Clenia yari mu biruhuko bikuru arangije umwaka wa gatatu w’amashuri yisumbuye nibwo ngo yabonye ikiraka muri sosiyete y’ubwubatsi yitwa Art Sec Ltd.

Uyu mukobwa avuga ko mu biruhuko byakurikiye yakomeje gukorana n’iyi sosiyete mu buryo bw’ibiraka.

Ibi biraka byatumye Dusenge Clenia akunda cyane umwuga wo kubaka n’ubwo atari ibintu yari yarize.

Ubwo yajyaga muri Kaminuza Dusenge Clenia wari watangiye kugirira urukundo ubufundi, ntiyigeze akomeza ngo abyige ahubwo yakurikiye ibijyanye n’Ubukererarugendo.
Nyuma y’imyaka hafi ine asubitse amasomo nubwo ahamya ko yifuza kongera kuyasubukura, Dusenge Clenia avuga ko yagize igitekerezo cyo kwinjira mu bwubatsi umwuga yakunze akiri muto.

Mu kiganiro na IGIHE, Dusenge Clenia yavuze ko gucunga ibikorwa by’iyi sosiyete azajya abifashwamo na musaza we wize ubwubatsi.

Ati “Ni nde se wakubwiye ko umuntu ushinga restaurant aba ari mutetsi mwiza? Njye nashinze sosiyete ariko mfite abo dukorana kandi babizobereyemo harimo na musaza wanjye. Nindamuka mbonye akazi ntabwo bizangora kuko mfite abamfasha.”

Clen solution group ya Dusenge Clenia ikora ibikorwa bitandukanye bihuye n’ubwubatsi nko kubaka kaburimbo, gukora, amapave n’ibindi.

Dusenge Clenia ari mu bakinnyi bamaze kubaka izina muri sinema y'u Rwanda
Madedeli wo muri Papa Sava yashinze sosiyete y’ubwubatsi
Dusenge Clenia watangije sosiyete y'ubwubatsi asanzwe yarize ibijyanye n'ubukerarugendo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .