Ni igitaramo cyatangiye ahagana saa kumi n’ebyiri n’igice, cyitabirwa n’ababashije gusaba uburenganzira bifashishije ikoranabuhanga.

Ni umugoroba waranzwe n’umuziki w’abahanzi basusurukije abitabiriye iki gitaramo barimo; Inki umusore w’Umunyarwanda utuye mu Bubiligi wari mu batumiwe muri ibi birori.

Hari kandi abandi bahanzi barimo; Ruti Joel, Yvan Buravan, Alyn Sano, Mani Martin na Intore Massamba wanahagurukije Louise Mushikiwabo babyinana umuziki gakondo.

Uretse aba bahanzi b’umuziki, ni igitaramo cyari kiyobowe n’umunyarwenya Ntarindwa Diogène ariko kinataramamo Michael Sengazi.

Wari umugoroba w’ubusabane, gusangira no kungurana ibitekerezo. Mushikiwabo wabo yavuze ko igitekerezo cy’umugoroba nk’uyu bakigize mu rwego rwo guhuza abantu bakoresha ururimi rw’Igifaransa mu bihugu bitandukanye.

Mushikiwabo wari n’umushyitsi mukuru, yavuze ko yishimiye kuba ari mu Rwanda mu rugendo rwe rwa mbere rw’akazi kuva yatorerwa inshingano zo kuyobora OIF.

Ati “Ngira ngo murumva amarangamutima yanjye uyu munsi, kuba ndi mu Rwanda Igihugu cyanjye cy’amavuko, mu rugendo rw’akazi rwa mbere mpagiriye kuva natorerwa inshingano zo kuyobora OIF. Mu byanzanye rero harimo kurebera hamwe akamaro ko gukorana neza hagati y’umuryango mpagarariye n’Igihugu cyiza cy’u Rwanda.”

Yakomeje avuga ko anyuzwe no kuba yabashije kwitabira uyu mugoroba w’ubusabane ku bakoresha ururimi rw’Igifaransa, ashimira cyane abahanzi bemeye kuza kubasusurutsa.

Kwinjira babanzaga kureba ko uri kuri lisiti y'abiyandikishije

Ibi birori byabereye mu busitani bwa Centre Culturel Francophone du Rwanda

Umunyamakuru wa IGIHE ukora mu ishami ry'Igifaransa, Tite Gatabazi aramukanya n'Umunyarwenya Atome

Wari umugoroba w'ubusabane no kungurana ibitekerezo

Intore Massamba aramukanya n'inshuti ze bahuriye muri iki gitaramo

Bamwe urukumbuzi rwari rwose,...

Wari umugoroba w'ubusabane...

Umuyobozi wa OIF Louise Musihikiwabo akigera ahabereye iki gitaramo

Yasanze bamutegerezanyije urukumbuzi

Bari bamukumbuye, mbere yo gufata ibyicaro Louise Mushikiwabo yabanje kuganira n'inshuti ze z'i Kigali

Louise Mushikiwabo ni we wari umushyitsi mukuru muri uyu mugoroba

Umunyarwenya Atome ni we wayoboye ibi birori

Mu ijambo rye Louise Mushikiwabo yavuze ko yishimiye kuba ari mu rugendo rwe rwa mbere rw'akazi akoreye mu Rwanda kuva yatorerwa kuba Umunyamabanga wa OIF

Umuyobozi wa OIF Louise Mushikiwabo yifatanyije n’abahanzi bataramye mu gitaramo ‘Soirée Francophone’

Inki usanzwe utuye mu Bubiligi yaririmbye muri iki gitaramo

Mu muziki wa Live, Alyn Sano yanyuze abitabiriye iki gitaramo

Buri wese yifuzaga gufata amashusho y'urwibutso

Ruti Joel nk'umwe mu bahanzi bakiri bato bihebeye umuziki gakondo ariko akaba umuhanga mu kuririmba mu ndimi z'amahanga zirimo Igifaransa yari yatumiwe muri ibi birori

Aime Uwimana ni umwe mu bahanzi benshi bari bitabiriye uyu mugoroba

Christopher ni umwe mu bahanzi bashismishije bikomeye abitabiriye uyu mugoroba

Binyuze mu ndirimbo ze zakunzwe bikomeye Christopher yagaragaje ko ari umwe mu bahanzi bakomeye mu Rwanda

Yvan Buravan nawe ari mu bataramye muri uyu mugoroba wahuje abakoresha Igifaransa

Yvan Buravan, Umuhanzi wo mu Rwanda uherutse kwegukana 'Prix Decouvertes' yari umwe mu batumiwe

Umuhanzikazi Injongi nawe yagarage ko ari umwe mu bahanga u Rwanda rufite

Michael Sengazi yasekeje bikomeye abitabiriye uyu mugoroba

Umunyarwenya Michael Sengazi uri mu bakomeye muri Afurika yari muri ibi birori

Massamba yongeye kugaragaza ko umuziki gakondo ari umwe mu ikunzwe mu Rwanda

Umudiho wacinywe biratinda

Louise Mushikiwabo yageze aho yifatanya n'aba bahanzi mu gucinya akadiho

Umukirigitananga Francis Nziza yashismishije abitabiriye ibi birori

Intore Massamba ukubutse i Burayi aho yataramiye abatuye muri Norvège yari yitabiriye iki gitaramo

Mani Martin yageze aho atera indirimbo 'Sur la terre' ya Minani Rwema

Mani Martin yasusurukije abitabiriye ibi birori by'abakoresha Igifaransa

Amafoto: Shumbusho Djasiri