Kylie Jenner ayoboye urutonde rw’abinjije amafaranga menshi mu 2019

Yanditswe na Uwiduhaye Theos
Kuya 6 Kamena 2020 saa 07:24
Yasuwe :
0 0

Forbes isanzwe ikora intonde z’ibyamamare byinjiza agatubutse, yatangaje ko Kylie Jenner, umunyamideli n’umucuruzi, ari we uyoboye urutonde rw’ibyamamare byinjije cyane umwaka ushize wa 2019, aho yinjije miliyoni $590.

Kuri uyu wa Kane tariki 4 Kamena 2020, Kylie Jenner nibwo yasohotse ku rutonde rw’ibyamamare byinjije amafaranga menshi ku isi. Ni ku rutonde ngarukamwaka rwa Forbes ariko iki kinyamakuru gisanzwe cyandika ku bijyanye n’imari kivuga n’ubundi bitamugira umwe mu batunze Miliyari nk’uko cyari cyabitangaje.

Nk’uko Forbes yabivuze, Kylie Jenner w’imyaka 22 y’amavuko yinjije miliyoni 590 z’amadolari mu mwaka ushize bitewe ahanini na Coty Inc. yaguze imigabane 51% ya Kylie Cosmetics muri Mutarama umwaka ushize. Yayigurishije miliyoni 600 z’amadolari, bituma yinjiza miliyoni 540 z’amadolari mbere yo kwishyura umusoro.

Kuri uru rutonde rw’ibyamamare 10 byinjije agatubutse ahuriramo na muramu we Kanye West winjije Miliyoni $170, akurikirwa n’abakinnyi nka Roger Federer winjije miliyoni $106.3, Cristiano Ronaldo winjije miliyoni $105 million, Lionel Messi winjije miliyoni $104 million, Tyler Perry wabonye miliyoni $97 , Neymar winjije miliyoni $95.5, Howard Stern winjije miliyoni $90, LeBron James winjije miliyoni $88.2 na Dwayne Johnson (The Rock) winjije miliyoni $87.5.

Mu cyumweru gishize, Forbes yari yasohoye inkuru igaragaza ko Kylie Jenner yabeshye iki kinyamakuru ko atunze arenga miliyari y’amadolari kikamugira umwe mu bakiri bato bayitunze mu 2018. Icyo gihe uyu mukobwa yabyamaganiye kure avuga ko ataribyo.

Kylie Jenner ayoboye urutonde rw’abinjije amafaranga menshi mu 2019

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .