00:00:00 IGIHE NETWORK KN KINYARWANDA EN ENGLISH FR FRANCAIS

Miss Muheto yifatanyije n’abafite ubumuga ku munsi w’umwana w’Umunyafurika

Yanditswe na Nsengiyumva Emmy
Kuya 17 June 2022 saa 09:57
Yasuwe :

Ku munsi mpuzamahanga wahariwe umwana w’Umunya Africa, Miss Rwanda 2022 Nshuti Muheto Divine na Miss Innovation 2022 Uwimana Jeannette bifatanyije n’abana bafite ubumuga bafashwa n’ikigo cya ‘Hope and Homes for Children Rwanda’ banataha ku mugaragaro ikigo ’Inshuti zacu’ gifashirizwamo aba bana cyubatswe n’ababikira b’impuhwe.

Buri mwaka ku wa 16 Kamena Isi yose muri rusange yizihiza umunsi mukuru wahariwe umwana w’Umunyafurika.

Muri uyu mwaka, mu Karere ka Kicukiro iki gikorwa cyahuriranye no gutaha ku mugaragaro ikigo ‘Inshuti zacu’ gifashirizwamo abana bafite ubumuga bataha iwabo cyangwa mu babarera.

Mu gutaha iki kigo cyubatswe n’ababikira b’Impuhwe, uretse aba bakobwa begukanye amakamba ya Miss Rwanda 2022 hari Musenyeri Uwumukiza Casmir wari uhagarariye Kiliziya na Assumpta Ingabire, Umunyamabanga wa Leta muri Minisiteri y’Ubutegetsi bw’Igihugu.

Mu kiganiro na IGIHE, Miss Muheto yavuze ko yari yagiye kwifatanya n’aba bana kugira ngo abereke ko atari bonyine ahubwo na bakuru babo babatekerezaho kimwe n’uko igihugu kibafite ku mutima.

Ati “Ni abana bafite ubumuga ariko bafite imbere heza, turabizi ko ufite ubumuga aba afite ubushobozi ikibura ari ukumuha amahirwe yo kubukoresha bikamugirira akamaro akanakagirira igihugu, ni muri urwo rwego rero twifuje kujya gutera imbaraga bariya bana.”

Miss Muheto yavuze ko kuba yari yajyanye na Uwimana watsindiye ikamba rya Miss Innovation kandi afite ubumuga bwo kutumva no kutavuga, ibi bikaba isomo rikomeye rikwiye kwereka abakiri bato bafite ubumuga ko bafite ubushobozi kandi hari byinshi bakwimarira bo ubwabo n’igihugu muri rusange.

Ubwo Miss Muheto na Uwimana bari bageze muri iki kigo
Miss Muheto aramutsa ababikira b'impuhwe bazajya bafasha aba bana
Abana bazajya bafashirizwa muri iki kigo bagize umwanya wo gusangira
Miss Uwimana Jeannette asabana n'abana bafite ubumuga bagiye kujya bafashirizwa muri iki kigo
Musenyeri Umukiza n’Umunyamabanga wa Leta muri Minisiteri y'Ubutegetsi bw'Igihugu Ingabire Assumpta bafungura ku mugaragaro ikigo kizajya gifasha abana bafite ubumuga
Basinye mu gitabo cy'abashyitsi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .