Imikino ya Basketball yaba mu minsi y’imibyizi cyangwa iya Weekend ntacyo biba bibwiye abakunzi bayo kuko usanga baba bakubise buzuye aho yabereye.

Uyu mukino ukomeje gukurura abanyamujyi nkuko byongeye no kwigaragaza mu ijoro ryo ku wa 11 Nzeri 2024 ubwo hatangiraga imikino ya ‘BetPawa Playoffs’.

Umukino wa mbere wa kamarampaka ‘BetPawa Playoffs’ warangiye ikipe ya Patriots BBC itsinze APR BBC amanota 83-71.

Ni umukino warebwe n’abanyamujyi batandukanye barimo ibyamamare by’umwihariko ku mbuga nkoranyambaga, abanyamakuru b’amazina azwi ndetse n’abandi benshi.

Abakobwa biganjemo abakunze kugaragara mu marushanwa y’ubwiza barimo Bahali Ruth, Irakoze Vanessa na Mugabekazi Queen bari mu bitabiriye uyu mukino.

Mu bandi bitabiriye uyu mukino harimo abahanzi nka Logan Joe na Bruce The 1st, umunyarwenya unaherutse kwiyamamariza kuba depite Muco Samu n’abandi benshi.

Aya makipe ari guhatanira gutanguranwa gutsinda imikino ine mu gihe uwa kabiri, uteganyijwe ku wa Gatanu, tariki 13 Nzeri 2024 saa 19:00 muri BK Arena.

Abanyamahanga batuye i Kigali ntabwo bakunze gucikwa n'imikino ya Basketball

Umukino wa Basketball ni umwe mu ikunzwe bigaragara muri Kigali

BK Arena bisaba kuyigeramo kare kugira ngo wizere kwicara aho wifuza

Ni imikino bamwe banasohokanamo inshuti

Nubwo uyu mukino wabaye nyuma gato y'amasaha y'akazi ntabwo byabujije abitabira kuhagera

Ibyishimo biba ari byose ku banyamujyi bitabira iyi mikino

Umunyarwenya Samu uherutse kwiyamamariza kuba umu depite yari muri uyu mukino

Nta cyaka muri BK Arena, mu gihe umukino utaratangira baba bica akanyota

Ku rundi ruhande injugu zifasha abantu kuba bagiraako bashyira mu nda na zo ziba zateguwe muri BK Arena

Bahali Ruth na Ndahiro Mugabekazi Queen bitabiriye irushanwa rya Miss Rwanda mu 2022 bari muri BK Arena

Umunyamakuru Imfurayacu Jean Luc wa B&B FM afata amashusho y'ibyaberaga muri BK Arena

Turi Patriots, amakipe yombi aba yakoze ku bakunzi bayo

Mu kibuga na ho haba hari ibirori kubera umukino ubereye ijisho

Amatike yo kwicara ku ntebe z'imbere 'Court side' aba anahenze kubi, zashize mbere y'umunsi ngo umukino ube

Umuhanzikazi Babo yari yicaranye na Perezida wa Federasiyo y'umukino w'amagare mu Rwanda Ndayishimiye Samson

Bertrand Ndengeyingoma umugabo wa Ange Kagame yakurikiye uyu mukino

BK Arena iba yahindutse aho gusohokera abantu bakanamenaho abiri

Rwampungu Meshack wamenyekanye muri Basketball ariko akaza kugira ubumuga yatewe n'impanuka, nta mukino ukunze kumucika

Bruce The 1st na Logan Joe bari mu barebye uyu mukino

Irakoze Vanessa wiyamamaje muri Miss Rwanda mu 2018 yari muri BK Arena

Abanyamakuru b'imikino b'amazina akomeye ntabwo bacikwa n'umukino wa Basketball

Coach Gael unafite ikipe ya Basketball mu cyiciro cya mbere yakurikiye umukino wa APR BBC na Patriots BBC

BK Arena haba ari ahantu ho gusabanira

Umuyobozi w'Akarere ka Bugesera, Richard Mutabazi yari muri BK Arena akurikira uyu mukino

Basketball itanga ibyishimo ku bakunzi b'amakipe aba ahatanye

Adonis Filer usanzwe ari inkingi ya mwamba muri APR BBC ufite imvune, yarebeye umukino mu bafana ari kumwe n’umukunzi we Kamali Kathia wo mu itsinda rya Mäckenzies

Aba babyinnyi basusurutsa benshi mu bakunzi b'umuziki bitabira imikino ya Basketball

Amafoto:Kwizera Herve