Ni inkuru yatijwe umurindi n’amafoto Jasinta Makwabe yasangije abamukurikira ku mbuga nkoranyambaga ari kumwe na Kevin Kade ndetse hari n’aho uyu musore amukikiye.

Uretse aya mafoto, mu minsi ishize ubwo uyu mukobwa yari mu Mujyi wa Kigali, hari amashusho yasakajwe ku mbuga nkoranyambaga bari gutemberana muri Kigali Convention Center byongera gushimangira ko baba bakundana.

Kevin Kade yavuze ko nta rukundo yigeze agirana na Jasinta Makwabe, ko ahubwo ari inshuti zisanzwe zihuriye ku kuba barahuriye ku mushinga w’indirimbo yamushyizemo.

Mu kiganiro cyihariye yahaye IGIHE, Kevin Kade yagize ati “Abantu batekereje ko nshobora kuba nkundana na Jasinta Makwabe nyamara nta wundi mubano dufitanye uretse kuba yaragaragaye mu mashusho y’indirimbo yanjye gusa.”

Kevin Kade yavuze ko bitari gushoboka ko yakundana na Jasinta Makwabe kuko igihe byavugwaga yari afite umukunzi kandi bari bameranye neza.

Jasinta Makwabe agaragara mu mashusho y’indirimbo ‘Sikosa’ yakoranye na The Ben bafatanyije na Element Eleeeh.

Iyi ndirimbo mu minsi itatu gusa yari imaze kurebwa n’abagera kuri miliyoni ku rubuga rwa YouTube.

Kevin Kade na Jasinta Makwabe bamaze iminsi barikoroje ku mbuga nkoranyambaga no mu itangazamakuru

Kevin Kade yakuyeho urujijo ku nkuru z'urukundo rwe na Jasinta Makwabe

Kevin Kade na Jasinta Makwabe bari basigaye bagendana agatoki ku kandi