00:00:00 IGIHE NETWORK KN KINYARWANDA EN ENGLISH FR FRANCAIS

Kenny Sol yatumiwe mu gitaramo i Burayi

Yanditswe na Nsengiyumva Emmy
Kuya 8 Ukuboza 2022 saa 02:44
Yasuwe :

Kenny Sol uri mu bahanzi basoje umwaka bahagaze neza mu muziki w’u Rwanda, agiye gutangirana uwa 2023 akanyamuneza kuko yamaze gutumirwa mu gitaramo azakorera mu Bubiligi.

Umuyobozi wa Team Production isanzwe itegura ibitaramo bikomeye by’abahanzi b’Abanyarwanda mu Bubiligi, Justin Karekezi yasohoye ifoto yamamaza igitaramo cya Kenny Sol giteganyijwe kubera mu Bubiligi.

Ni igitaramo byitezwe ko kizaba ku wa 4 Werurwe 2023, kikazabera i Bruxelles afatanyije n’abarimo DJ Princess Flor.

Iki gitaramo kizaba gikurikira icyo iyi sosiyete iherutse gutegura igatumira Mike Kayihura, Shaddyboo ndetse na DJ Pius bataramiye mu Bubiligi ku wa 5 Ugushyingo 2022.

Uyu muhanzi agiye gutaramira mu Bubiligi mu gihe amaze kwigwizaho abakunzi yaba mu Banyarwanda batuye imbere mu gihugu ndetse no hanze yacyo.

Kenny Sol kugeza ubu afite indirimbo zigezweho muri iki gihe nka; Haso, Forget, Jolie, Umurego n’izindi nyinshi.

Uyu musore wize umuziki mu ishuri rya muzika rya Nyundo aho yakuye ubumenyi, yanyuze mu itsinda rya Yemba Voice mbere y’uko risenyuka agatangira kwikorana umuziki ku giti cye.

Mu kuzamuka kwe mu muziki yafashwe ukuboko na Bruce Melodie wamufashije mu gihe cy’umwaka wose ndetse aba bakaba baranakoranye indirimbo ‘Ikinyafu’ iri mu zatumye arushaho kuba ikimenyabose.

Team Production ya Karekezi imaze imyaka myinshi itumira abahanzi bo mu Rwanda mu rwego rwo kubahuza n’abakunzi babo batuyeyo ariko na none bikaba umwanya mwiza wo guhuriza Abanyarwanda batuye kuri uyu mugabane mu busabane.

Kenny Sol yatumiwe mu gitaramo i Burayi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .