Ni igikorwa cyabereye mu Karere ka Kicukiro mu Murenge wa Masaka aho Kate Bashabe aherekejwe n’umubyeyi we ndetse n’Umuyobozi w’Akarere ka Kicukiro, Antoine Mutsinzi, basangiye Noheli n’abana 1000 bo muri ako karere.

Muri iki gikorwa Kate Bashabe wari kumwe n’abamushyigikira muri iki gikorwa, inshuti n’abavandimwe, yashimiye buri wese wamubaye hafi muri uru rugendo, asaba abana kuzitwara neza mu masomo yabo kuko ari byo bizabagirira akamaro mu bihe biri imbere, anasaba ababyeyi kujya bakurikirana amasomo y’abana babo.

Mu kiganiro yagiranye na IGIHE, Kate Bashabe yavuze ko yishimiye uko iki gikorwa cyagenze.

Ati “Uretse kuba tubafashije, turifuza kuzakomeza kubakurikirana aho biga tukababa hafi kuko nubwo tubahaye ibikoresho by’ishuri, kugira ngo bige neza biba bisaba ko dukurikirana n’ubuzima bwabo bwa buri munsi tukababa hafi. Ariko kandi turasaba ababyeyi nabo kutabatererana.”

Kate Bashabe avuga ko yahisemo kujya afasha abana mu masomo yabo kuko azi ko kwiga ari umusingi w’ahazaza habo.

Umuyobozi w’Akarere ka Kicukiro, Mutsinzi Antoine yashimiye Kate Bashabe, avuga ko ibikorwa nk’ibi bigira akamaro bitari ku bana gusa bafashijwe, ahubwo no ku miryango yabo n’ahazaza habo, bityo n’igihugu kikabyungukiramo.

Ibikorwa byo gufasha abana kubona ibikoresho by’ishuri, Kate Bashabe abikora abinyujije mu muryango yashinze witwa ‘Kabash Cares’ afatanyije n’abandi bafatanyabikorwa. Kuri ubu yafatanyije n’abarimo Blarirwa Ltd, Forzza Bet Rwanda, Rahura anabereye Brand Ambassador n’abandi batandukanye.

Ubwo Kate Bashabe yari ageze ahabereye iki gikorwa

Kate Bashabe aha yari amaze kwakira abafatanyabikorwa bakoranye barimo n'Umuyobozi w'Akarere ka Kicukiro (ubanza ibumoso)

Kate Bashabe amaze imyaka myinshi asangira iminsi mikuru n'abana baturuka mu miryango itishoboye

Umuyobozi w'Akarere ka Kicukiro, Antoine Mutsinzi aha ikaze abashyitsi

Kate Bashabe asuhuza abana bari bakoraniye ahabereye iki gikorwa

Abana bishimiye iki gikorwa

Umubyeyi wa Kate Bashabe yari yaherekeje umukobwa we

Aba bana bahawe ibikoresho by'ishuri

Umubyeyi wa Kate Bashabe ashyikiriza ibikoresho umwana uri mu bari babigenewe

Bagize n'umwanya wo gusangira

Umuyobozi w'Akarere ka Kicukiro yashimiye Kate Bashabe wiyemeje gufasha abana batishoboye

Abana basusurukijwe na Juno Kizigenza

Kate Bashabe na Juno Kizigenza basabanye n'abana

Juno Kizigenza yishimiwe n'aba bana ku rwego rwo hejuru

Kate Bashabe yavuze ko yiteguye gukurikirana imibereho y'abana yafashije

Abana batahanye ibikoresho by'ishuri