Kate Bashabe yahakanye amakuru yo gukundana na Sadio Mane

Yanditswe na Nsengiyumva Emmy
Kuya 17 Ukwakira 2019 saa 08:51
Yasuwe :
0 0

Muri Senegal inkuru ishyushyeyo ni iy’urukundo rw’umunyarwandakazi Kate Bashabe na Sadio Mane rutahizamu wa Liverpool.

Aya makuru yatangiye gukwirakwizwa mu minsi ishize ubwo uyu mukobwa yashyiraga hanze amafoto n’amashusho ye ari muri Stade ya Liverpool n’andi atembera imijyi itandukanye y’u Bwongereza.

Ibinyamakuru byo muri Sénégal byatangiye kugaragaza ko hari amakuru y’urukundo ruri hagati ya Kate Bashabe na Sadio Mane.

Mu nkuru ziri gutambuka muri ibyo binyamakuru bavuga ko Kate Bashabe ubwo yari mu Bwongereza yari yagiye gusura Sadio Mane.

Feeling Dakar, ikinyamakuru cyo muri Sénégal cyatangaje ko Sadio Mane yasimbuje Kate Bashabe umunya Tuniziyakazi Melissa Reddy.

Aya makuru yamaganiwe kure na Kate Bashabe. Aganira na IGIHE yagize ati" Ni abasazi, sibyo rwose ntabwo aribyo."

Kate Bashabe ariko ntiyigeze ashaka kuvuga ku rugendo aherutse gukorera mu Bwongereza aho yanagaragaye muri Stade ya Liverpool ndetse hagashyirwa hanze amashusho atembera stade y’iyi kipe.

Kate Bashabe ni umwe mu bakobwa bafite uburanga n’ikimero ndetse byashimangiwe mu mwaka wa 2010 agirwa Nyampinga wa MTN, muri 2012 yabishyizeho akadomo yambikwa ikamba rya Nyampinga wa Nyarugenge.

Nyuma yinjiye mu by’imideli kuri ubu akaba ari umwe mu bakobwa bafite amaduka yabo ahanga akanacuruza imyenda n’ibindi bigezweho.

Kate Bashabe aherutse gusura Stade ya Liverpool mu gihugu cy'u Bwongereza
Bashabe yatembereye mu Bwongereza nk'umufana w'ikipe ya Liverpool
Kate Bashabe ni umwe mu banyamideli bakomeye mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza