Uretse Karole Kasita utegerejwe i Kigali, abanyarwenya bazaba bari kumwe barimo Pablo, Maulana & Reign, MC Mariachi, Madrat & Chiko na Alex Muhangi.

Aba banyarwenya bazaba bitabiriye igitaramo cya ‘Comedy Store’, ibi bisanzwe bitegurwa na Alex Muhangi.

Ibi bitaramo bifite izina rikomeye i Kampala, bigiye kubera mu Mujyi wa Kigali mu rwego rwo kwifatanya na ‘Gen-Z Comedy’ iri mu bitaramo bitegurwa bimaze kubaka izina mu Rwanda. Aba banyarwenya bazaba biyongera ku basanzwe babarizwa muri Gen-Z Comedy.

Namulindwa Kasita wamamaye nka Karole Kasita ni umwe mu bahanzikazi bagezweho muri Uganda by’umwihariko akaba akunzwe mu ndirimbo nka Chekecha yasubiranyemo n’abarimo Vinka na Winnie Nwagi, Binyuma n’izindi nyinshi.

Uretse aba bazaba baturutse muri Uganda, ntabwo abategura Gen-Z Comedy baratangaza urutonde rw’abanyarwenya bo mu Rwanda bazasusurutsa abakunzi b’ibi bitaramo.

Pablo umaze kubaka izina muri Comedy Store agiye gutaramira i Kigali

Comedy Store igiye kubera i Kigali

'Madrat&Chiko' itsinda ry'abanyarwenya rigezweho muri Uganda ritegerejwe i Kigali

MC Mariachi ukunzwe cyane muri Uganda yatumiwe mu gitaramo cyo kwizihiza imyaka itatu ibitaramo bya Gen-Z Comedy bimaze bitegurwa

Karole Kasita yatumiwe gutaramira i Kigali