Karasira Clarisse yavuze ibyiza by’ u Rwanda mu ndirimbo ye nshya

Yanditswe na Uwiduhaye Theos
Kuya 16 Ugushyingo 2019 saa 03:04
Yasuwe :
0 0

Karasira Clarisse umaze kwamamara kubera ibihangano byiganjemo umudiho wa Kinyarwanda n’ubutumwa bunyura benshi, yashyize hanze indirimbo ye nshya yise ‘Sangwa’ avugamo ibyiza by’u Rwanda.

Iyi ndirimbo ije nyuma yo gukora izindi zitandukanye zirimo ‘Gira neza’, ‘Twapfaga Iki?’, ‘Ubuto’, ‘Kabeho’, ‘Imitamenwa’, ‘Ntizagushuke’, ‘‘Uzibukirwa kuki?’ n’izindi.

Iyi ndirimbo yitwa ‘Sangwa’ amajwi yayo yakozwe na Jimmy naho amashusho yayo atunganywa na AB Godwin. Igaragaramo abazungukazi babyina bya Kinyarwanda.

Mu gitero cya mbere uyu mukobwa aragira ati “Dusozi twiza dutatse amariza asa nk’urukundo n’urugwiro, tugezi twawe dutemba amahoro, mu binyaburanga birangaza […]”

Mu nyikirizo y’iyi ndirimbo uyu muhanzikazi aba avuga ko u Rwanda rukwiriye gusangwa rugasagamba amahoro, akarwifuriza gukomeza gutekana no kujya imbere umunsi ku wundi.

Ku wa 11 Ukwakira Clarisse Karasira yasheshe amasezerano yari afitanye n’inzu ifasha abahanzi ya ’Boss Papa’ y’umuhanzi Alain Muku, nyuma y’umwaka umwe bari bamaze bakorana ndetse wanabahiriye cyane urebye indirimbo zinyuranye zawusohotsemo.

Ugutandukana kw’aba bombi kwatangajwe binyuze mu mashusho yafashwe agashyirwa ku rubuga rwa YouTube n’ikigo cya Alain Muku. Ni itangazo ryasomwe n’umwe mu bakora muri iki kigo wari kumwe na Clarisse Karasira.

Karasira yashyize hanze indirimbo ye nshya avugamo ibyiza by'u Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza