Karake wo mu itorero rya Rugamba Sipiriyani yifashishije Mimi La Rose mu ndirimbo ya Pasika

Yanditswe na Uwiduhaye Theos
Kuya 21 Gashyantare 2021 saa 12:39
Yasuwe :
0 0

Umuhanzi Karake Jean Claude yasohoye indirimbo ya gatatu yitwa ‘Umugani w’Umubibyi’ afatanyije n’abahanzi batandukanye harimo na Sebigeri Paul wamenyekanye nka Mimi la Rose muri Orchestre Impala.

Karake yabwiye IGIHE ko iyi ndirimbo irimo ubutumwa bwo gutegura abantu imitima mu gihe bitegura umunsi wa Pasika.

Ati “Ubutumwa buri muri iyi ndirimbo ni ugutegura imitima yacu kugira ngo Yezu Kirisitu wapfuye akazuka ayigire ingoro ye cyane cyane ko tunari mu gihe cy’igisibo twitegura Pasika, kandi nkaba mbifuriza n’igisibo cyiza n’imyiteguro myiza ya Pasika.”

Yakomeje avuga ko ari gutegura izindi ndirimbo zitandukanye yizera ko zizashimisha abantu.

Iyi ndirimbo y’uyu muhanzi ije ikurikira ‘Horana ibisingizo’ ndetse na ‘Impuhwe z’Imana’; yayifatanyije n’abandi baririmbyi barimo Sebigeri Paul (Mimi la Rose), Maître Ruhigira Benoît, Kanyeshuri Alexandre, Uwimana Laurent bose baririmba muri Mwamikazi wa Kibeho Paruwasi Saint Michel.

Harimo kandi Amizero Bertine uririmba muri Chorale Indahemuka ya St Famille, Uwayezu Epiphanie, Rwanyange Alex, Nibagwire Annonciate, Ngirinshuti François Regis, Umuhoza Marie Claire na Karake Lambert, Ikibasumba Angelique na Ingabire Angelique baririmbira muri Paruwasi ya Kicukiro.

Karake Jean Claude asanzwe afasha amakorali atandukanye mu miririmbire ya Kiliziya Gatolika, arimo Indahemuka yo muri Paruwasi Saint Famille na Mwamikazi wa Kibeho yo Paruwasi Saint Michel.

Karake mu buzima busanzwe umwubatsi. Yavuze ko ashaka gukora ibihangano byinshi bitandukanye kandi akaba yiteze ko bizatanga umusaruro mu muziki we.

Ati “Intumbero yanjye ndateganya gukora indirimbo nyinshi kandi zisingiza Imana zinayirata, ntabwo nzahwema kuyivuga no kuyiratira abatayizi ngo bamenye ko ibyo idukorera ibikora ku buntu bwayo ntacyo iduciye.”

Yavuze ko ashimira Imana yamuhaye impano nziza yo kuririmba. Ati “Imana yampaye impano nziza yo kuririmba ndayishimira”.

Karake Jean Claude afite imyaka 39 y’amavuko abarizwa mu Itorero Amasimbi n’Amakombe rya Rugamba Sipiriyani.

Mimi La Rose yafatanyije na Karake mu ndirimbo ye nshya
Karake asanzwe abarizwa mu Amasimbi n'Amakombe
Karake yafatanyije n'abaririmbyi batandukanye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .