00:00:00 IGIHE NETWORK KN KINYARWANDA EN ENGLISH FR FRANCAIS

Kanye West yakoze ubukwe mu ibanga

Yanditswe na Mahoro Vainqueur
Kuya 13 Mutarama 2023 saa 08:32
Yasuwe :

Nyuma y’amazi abiri ahawe gatanya Umuraperi Kanye West [Ye] biravugwa ko yakoze ubukwe n’Umunyamideli Bianca Censori wagize uruhare mu guhanga inkweto za Yeezy.

Ubu bukwe bwabaye mu ibanga rikomeye dore ko aba bombi nta mpapuro bigeze batanga zisaba gushyingiranwa mu buryo bwemewe n’amategeko.

Kanye West wari umaze iminsi atagaragara mu ruhame yagaragaye mu ntangiriro z’iki cyumweru ari kumwe n’umukobwa wibajijweho byinshi.

Icyo gihe uyu muraperi yagaragaye i Waldorf Astoria muri Beverly Hills ari kumwe na Bianca Censori bambaye impeta ya feza ku kuboko kw’ibumoso nk’ikimenyetso kigaragaza ko bashyingiranwe.

TMZ yatangaje iyi nkuru ivuga ko uretse amakuru ikura mu bantu bahafi ya Kanye West kugeza ubu nta makuru aratangwa yisumbuyeho ahari kuri ubu bukwe bwa Kanye West na Bianca Censori.

Bianca Censori bivugwa ko afite imyaka 27 yinjiye mu mikoranire n’uyu muhanzi w’imyaka 45 mu Ugushyingo 2020 ari umuyobozi w’ikipe yita ku bihangano bya Yeezy ya Kanye West.

Mu kwezi gushize Kanye West yakoze indirimbo yise "Censori Overload" nubwo bitari bizwi ko hari umubano wihariye yaba afitanye na Bianca Censori.

Nubwo nta magambo uyu muhanzi avugamo agaragaza amarangamutima kuri uyu mukobwa gusa hari aho agira ati “Bibiliya ivuga ko ntemerewe gukora imibonano mpuzabitsina ntarakora ubukwe.”

Bianca Censori wakuriye i Melbourne muri Australia afite Impamyabumenyi y’Icyiciro cya Gatatu cya Kaminuza mu bijyanye n’Ubwubatsi (Architecture). Ubwo yari akiri umunyeshuri yafunguye iduka ry’imikufi yise Nylon’s Jewellery.

Kanye West azwiho gukora ubukwe buhenze dore ko ubwo yakoranye na Kim Kardashian bivugwa ko bwatwaye miliyoni 6$, nubwo batandukanye nyuma y’imyaka irindwi.

Nyuma yo gutandukana na Kim Kardashian, Kanye West yavuzwe mu rukundo n’abakobwa batandukanye barimo Julia Fox na Juliana Nalú.

Kim Kardashian yamaze imyaka ibiri asaba gatanya, aza kuyihabwa mu Ugushyingo 2022.

Kanye West asigaye agenda yambaye impeta nyuma y'amezi abiri ahawe gatanya
Kanye West ubwo aheruka kugaragara ari kumwe na Bianca Censori
Bianca Censori yinjiye mu mikoranire na Kanye West mu 2020
Kanye West aherutse kugaragara yasohokanye na Bianca Censori
Bianca Censori wakoze ubukwe na Kanye West
Bianca Censori ntamenyerewe cyane ku mbuga nkoranyambaga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .