Mu ibaruwa yasangije abamukurikira, DJ Alisha yagaragaje ko ababajwe bikomeye no kuba asezeye kuri iyi radiyo yari yujuje umwaka akorera akabihuza no gucuranga mu birori n’utubyiniro dutandukanye.

Mu mashusho yasangije abamukurikira DJ Alisha yagize umwanya wo gusezerwaho n’inshuti ze bakoranye ndetse n’ubuyobozi bw’iyi radiyo bakatanye umutsima ndetse bamuha n’indabyo.

Nubwo yatandukanye na NRG Radio, DJ Alisha ntabwo yigeze atangaza aho agiye kwerekeza, icyakora bitewe n’uko ari umwe mu bagezweho i Kampala muri iki gihe benshi batangiye gutekereza ko hari indi yamurambagije nubwo atarayitangaza.

DJ Alisha ubusanzwe ukundirwa n’ikimero cye, ni umwe mu bakunze gutaramira i Kigali agatanga ibyishimo ku bakunzi be amaze kugwiza cyane ko ari n’igihugu cy’ivuko.

Uyu mukobwa yavuye mu Rwanda mu 2017 yerekeza muri Uganda aho yari agiye gutura n’umuryango we, aha akaba ari naho yatangiriye umwuga wo kuvanga imiziki.

Kuri ubu ni umwe mu bakobwa bavanga imiziki bakomeye muri Uganda, biragoye ko hari igitaramo gikomeye cyahabera ngo uburemo izina rye.

Ubwo yavugaga ijambo bamwe babikaga amashusho y'urwibutso

Kwihangana byagoranye ubwo basezeraga krui DJ Alisha

DJ Alisha yagize umwanya wo gusezera ku bo bakoranaga

Batakanye umutsima bizihizaibihe byiza bagiranye mu mwaka yamaze kuri iyi radiyo

DJ Alisha yahawe indabyo na bagenzi be bakoranye muri NRG