00:00:00 IGIHE NETWORK KN KINYARWANDA EN ENGLISH FR FRANCAIS

Jules Sentore yabimburiye abandi bahanzi nyarwanda gusohora indirimbo mu 2023

Yanditswe na Nsengiyumva Emmy
Kuya 1 Mutarama 2023 saa 12:59
Yasuwe :

Jules Sentore uri mu bahanzi bafite izina rikomeye by’umwihariko mu muziki gakondo, yabaye umuhanzi wa mbere usohoye indirimbo nshya mu 2023 nyuma yo gushyira hanze iyitwa ‘Icyeza’ yasohoye ari mu Bufaransa.

Ni indirimbo yashyizwe ku mbuga zose zicuruza umuziki saa sita n’iminota itatu zo ku wa 1 Mutarama 2023.

Mu kiganiro na IGIHE, uyu musore yavuze ko indirimbo ‘Icyeza’ yari yateguye uko yazayisohora ku wa 1 Mutarama 2023 cyane ko ayituye abasore n’inkumi bateganya gusezera ubugaragu muri uyu mwaka mushya.

Ati “Ni indirimbo nifuzaga ko yatangirana n’umwaka kuko nayikoreye abasore n’inkumi bamaze gufata icyemezo cyo gusezera ubugaragu.”

Ku rundi ruhande Jules Sentore avuga ko iyi ndirimbo ari iy’ubukwe, ikaba indirimbo yifuza ko yazajya ifasha abageni cyane ko yiganjemo amagambo meza abwirwa umukobwa uba ugiye kurushinga.

Uyu muhanzi ahamya ko afite icyizere ko iyi ndirimbo izakundwa ikaba yanagera aho yajya yifashishwa n’abageni banyuranye.

Ati “Ubundi ni impano mpaye abageni bazarushinga mu 2023, nibaza ko igiye kuba indirimbo y’umwaka cyane cyane mu bukwe. Uretse ubukwe, ni indirimbo umuntu wese yatura umukunzi we.”

Iyi ndirimbo yakozwe na Madebeats.

Jules Sentore ni we ubimburiye abandi bahanzi gusohora indirimbo mu 2023

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .