Amezi agiye kuba abiri Joël Karekezi ari kubarizwa mu Mujyi wa Bangui ho muri Centrafrique aho ari guhugura urubyiruko rwaho ku bijyanye n’umwuga wo gukina sinema.

Mu kiganiro na IGIHE, Joël Karekezi yavuze ko kuri ubu bari guhugura urubyiruko 36 barimo abiga; kwandika, kuyobora no gufata amashusho ya filime, gufata amajwi, urumuri n’ibindi binyuranye.

Ati “Maze amezi abiri i Bangui aho ndi umuyobozi w’imyigishirize yo gukora sinema ku bufatanye n’ishuri rikomeye ryo mu Bufaransa ‘Cinefabrique’".

Karekezi yavuze ko aba banyeshuri bamaze gukora filime ngufi umunani mu mahugurwa amaze imyaka ibiri.

Karekezi w’imyaka 36 ni umwe mu bakora sinema nyarwanda bafite amazina akomeye mu Rwanda no muri Afurika muri rusange.

Uyu yamenyekanye cyane ubwo yakoraga filime zitandukanye yagiye akora zirimo n’izegukanye ibihembo bikomeye ku ruhando mpuzamahanga.

Bari kwiga gukora sinema hifashishijwe camera zigezweho

Kugeza ubu abari kwiga bamaze gukora filime ngufi zigera ku munani

Abari n'abategarugori bo muri Centrafrique bitabiriye aya masomo ku bwinshi

Abagera kuri 36 bri gukurikira amasomo yo gukora no gutunganya sinema muri Centrafrique

Hari abari kwiga gufata amajwi muri sinema