Jasinta Makwabe, Umunyamideri ukomoka mu Rwanda yasobanuye iby’urukundo rwe na Diamond

Yanditswe na Nsengiyumva Emmy
Kuya 3 Werurwe 2021 saa 09:55
Yasuwe :
0 0

Jasinta Makwabe, umunyamideri ukomoka mu Rwanda uherutse guhagararira Tanzaniya mu irushanwa rya Miss Africa Calabar, yasobanuye byinshi mu bimaze iminsi bivugwa by’urukundo rwe n’umuhanzi Diamond Platinumz.

Mu mpera z’umwaka w’2020 nibwo hatanzwe ikamba rya Miss Africa Calabar ritangirwa muri Nigeria.

Iki gihe u Rwanda rwari ruhagarariwe na Miss Uwihirwe Yassipi Casmir mu gihe Tanzaniya yari yohereje uwitwa Jasinta Makwabe, umunyamideri w’icyamamare muri iki gihugu ariko unafite inkomoko mu Rwanda.

Jasinta aganira na IGIHE mu minsi ishize, yirinze kugira byinshi avuga ku kuba ari umunya Tanzaniya cyangwa Umunyarwanda, icyakora yahishuye ko afitanye isano n’u Rwanda kuko avuka ku mubyeyi w’umunyarwandakazi na Se w’umunya-Tanzaniya.

Yongeye kubishimangira ubwo yaganiraga na Wasafi TV. Yagize ati "Njyewe ndi umunya-Tanzaniya, niho navukiye kandi papa wanjye ni Umuhaya, Mama wanjye niwe ukomoka mu Rwanda.”

Uyu mukobwa ni umwe mu banyamideri bakomeye ariko ubikora nk’ubucuruzi muri Tanzania. Akunze kugaragara mu mashusho y’indirimbo, kumurika imyenda n’ibindi bimwinjiriza amafaranga.

Jasinta agaragara mu mashusho y’indirimbo ‘Gomama’ ya Active na Mwana Fa wo muri Tanzaniya.

Bite by’urukundo rwe na Diamond

Muri Tanzania amakuru hari amakuru avuga hari urukundo rw’ibanga hagati y’uyu mukobwa w’umunyamideri na Diamond.

Inkuru z’urukundo rwa Diamond na Jasinta zivuga ko rwatangiye gututumba ubwo uyu mukobwa yashyiraga uyu muhanzi ku rukuta rwe rwa Instagram.

Asobanura impamvu yashyize uyu muhanzi kuri Instagram, Jasinta yagize ati “Nagira ngo mushimire gusa, ni umwana mwiza uzi gukora kandi ndatekereza atari njye muntu wa mbere wari umushyize kuri uru rubuga, si icyaha kumushyiraho.”

Jasinta yavuze ko hari ibintu bikomeye yafashijwe n’uyu muhanzi. Ati “Kuba tuvugana byo turavugana, namushyize kuri Instagram nshaka kumushimira, hari ibintu yankoreye bikomeye mu buzima, singiye kubivuga byose hano ariko ni umwe mu bantu bagize uruhare mu kwiga kwanjye.”

Yakomeje avuga ko kugira ngo ashyire Diamond kuri Instagram, ari uko yari amaze kubona abantu benshi bakunze kumuvuga uko bishakiye kuko batamuzi. Ahamya ko benshi bamufata nk’umuntu mubi nyamara bihabanye n’ukuri.

Ku rundi ruhande ariko, ntabwo Jasinta yigeze aca ku ruhande mu kuguragaza amarangamutima ye kuri Diamond. Yahishuye ko usibye kuba yubaha umuryango w’uyu muhanzi ariko bibaye ngombwa ko bakundana nta kibazo byaba biteye.

Ati “Ni umugabo utagize icyo amwaye. Sinavuga ko ntigeze mwiyumvamo, byarabaye kumva mukunze, ndamwubaha kandi nubaha n’umuryango we. Abaye adafite umugore akaba na we ankunda namukunda nta kibazo.”

Uyu mukobwa ntabwo asanzwe akurikira Diamond kuri Instagram, yavuze ko atari ikimenyetso cyiza cyuko atamukunda kuko n’ababyeyi be atabakurikira kandi abakunda.

Indirimbo ya Active Jasinta agaragaramo

Jasinta asanzwe ari umunyamideri ufite izina rikomeye muri Tanzaniya
Usibye kumurika imideri, Jasinta azwi nk'umukobwa wamamaza imyambaro
Jasinta ukomoka mu Rwanda, aherutse guhagararira Tanzania muri MissAfrica Calabar
Jasinta yavuze ko ari inshuti na Diamond kuko hari byinshi uyu muhanzi yamufashije ariko ahakana amakuru y'urukundo rwabo
Jasinta ashimira Diamond uruhare yagize mu gutuma abasha kurangiza kwiga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .