Iri torero ryahawe iminota itatu n’igice mu gususurutsa abitabiriye ibi birori wabonaga buri wese anyuzwe n’imbyino z’abasore n’abakobwa bagize iri torero babyinnye baririmba indirimbo ‘Uzaze urebe n’izindi.

Uretse ‘Urukerereza’ muri ibi birori harimo abandi bantu batandukanye bamuritse imbyino n’indirimbo biranga umuco w’ibihugu bigize umuryango wa Commonwealth.

Uyu mwaka uyu munsi wa Commonwealth ufite insanganyamatsiko ivuga ku ’guharanira ejo hazaza harambye kandi harangwa amahoro’.

Uyu munsi wizihijwe hirya no hino mu bihugu bigize Commonwealth aho ba Ambasaderi bahagarariye u Bwongereza muri ibyo bihugu basomye ubutumwa bw’ Umwami w’u Bwongereza Charles III.

Mu birori byabereye i Westminster Abbey aho ‘Itorero Urukerereza’ ryataramiye umwami Charles III, yahaye icyubahiro Umwamikazi Elizabeth II amushimira ku bwitange yagize kuri Commonwealth mu myaka 70 yamaze ayobora u Bwongereza.

Nibwo butumwa bwa mbere umwami Charles III atanze ku munsi wa Commonwealth kuva yagera ku ngoma.

Ibi birori byari birimo abandi bagize umuryango w’ibwami barimo Princess Camilla, Prince William, Princess Anne n’abandi.

📺 A moment of national pride!

Rwanda’s national ballet, @Urukerereza performed at the UK’s #CommonwealthDay service in Westminster Abbey @wabbey, showcasing the vibrancy of Rwandan culture to the Commonwealth and the world. 🇷🇼🌍#RwandaInUK #OurCommonwealth

🎥: BBC pic.twitter.com/7p9cDxvDz0

— 🇷🇼Rwanda in UK 🇬🇧🇮🇪🇲🇹 (@RwandaInUK) March 13, 2023

The National Ballet of Rwanda, @Urukerereza, is in the UK to perform at the Commonwealth Day celebrations.@ITVnews stopped by the High Commission for a sneak preview and a chat with them. It turned into an epic display of Rwanda's culture with beauty, style, elegance and skill. pic.twitter.com/X5X3wqr2nC

— 🇷🇼Rwanda in UK 🇬🇧🇮🇪🇲🇹 (@RwandaInUK) March 11, 2023

Ibendera ry'u Rwanda ryari ryazamuwe i Westminster, mu mujyi wa Londres hamwe n'ayandi 56 y'ibihugu bigize uyu muryango

Kwizera Peace Ndaruhutse wegukanye ikamba ry’Igisonga cya mbere muri Miss Rwanda 2016, akaba yaranegukanye ikamba rya Miss Naïades 2016 ni we wari ufashe ibendera ry’u Rwanda muri ibi birori

Abari muri ibi birori wabonaga banyuzwe n'imbyino z'itorero Urukerereza

Imbere y'imbaga yitabiriye ibirori by'umunsi wa Commonwealth Itorero Urukerereza ryahawe iminota itatu yo kubataramira

Imbere y'Umwami w'Ubwongereza n'umuryango w'ibwami Itorero Urukerereza ryasusurukije abitabiriye ibi birori

Umwami Charles III asuhuza umwe mu bagize itorero Urukerereza

Umwami Charles III yitegereza uko itorero Urukerereza ribyina