Iki cyari igitaramo cya kabiri cyakurikiye icyo yakoreye ahitwa Mlimani City ku wa 2 Ugushyingo 2024.

Israel Mbonyi yavuze ko ibitaramo byombi byagenze neza, ashimira Imana yamubashishije kubikora n’abakunzi b’umuziki bo muri Tanzania.

Ati “Ndashimira Imana yamfashije gutaramira hano, ndashimira abakunzi banjye bitabiriye ibi bitaramo ari benshi. Urebye icya mbere amatike yashize ku isoko, icya kabiri cyitabiriwe n’abarenga ibihumbi 10. Ni ibyishimo kuri njye rwose.”

Israel Mbonyi yataramiye muri Tanzania nyuma yo kuzenguruka ibihugu birimo u Burundi, Kenya na Uganda.

Mu minsi ishize, Israel Mbonyi yateguje abakunzi b’umuziki we mu Rwanda ko afite igitaramo giteganyijwe kubera muri BK Arena ku wa 25 Ukuboza 2024.

View this post on Instagram

A post shared by Emmy Rwanda Ikinege BadMan (@emmy_rwanda_ikinege)

Abarenga ibihumbi 10 bari bakoraniye ahitwa Leaders Club mu gitaramo cya Israel Mbonyi

Israel Mbonyi yaririmbanye n'abakunzi be indirimbo ze nyinshi

Muri ibi bitaramo, Israel Mbonyi anyuzamo akicurangira gitari

Israel Mbonyi ni umwe mu bahanzi b'Abanyarwanda bakunzwe muri Tanzania

Abakunzi b'umuziki wo kuramya no guhimbaza Imana muri Tanzania bishimiye bikomeye Israel Mbonyi

Ubwitabire bwari hejuru muri iki gitaramo

Mu gitaramo cye cya kabiri, Israel Mbonyi yataramiye hanze