Ni igitaramo cyabaye mu ijoro ryo ku wa 23 Kanama 2024, Israel Mbonyiyari ategerejwe n’abakunzi b’umuziki we batari bake baturutse mu bice bitandukanye bya Uganda.

Abagera ku bihumbi 15 bari bakoraniye mu kibuga cya Lugogo Cricket Oval ubusanzwe kitisukirwa n’umuhanzi uwo ariwe wese mu muziki wa Uganda.

Uyu muhanzi wari witwaje itsinda ry’abacuranzi be, ntiyigeze atenguha abakunzi be kuko mu gihe cy’amasaha hafi abiri yamaze ku rubyiniro yabasusurukije muri nyinshi mu ndirimbo ze zakunzwe.

Yaba izo yakoze mu myaka yo hambere kugeza ku zigezweho uyu munsi ziyobowe na Nina Siri.

Nyuma yo kuva ku rubyiniro, Israel Mbonyi yasanganiwe na Ambasaderi w’u Rwanda muri Uganda, Col. Joseph Rutabana n’abo bari kumwe bajya kumushimira.

Nyuma y’iki gitaramo Israel Mbonyi abinyujije ku mbuga nkoranyambaga ze, yagize ati “Mana yanjye, Kampala mbega ijoro ryuzuye amashimwe, wakoze Mana ku bw’ibi bihe bitazibagirana.”

Iki gitaramo cya Israel Mbonyi cyabanjirije icyo agomba gukorera i Mbarara n’ubundi muri Uganda ku wa 25 Kanama 2024.

Israel Mbonyi yatanze ibyishimo ku bakunzi be batuye muri Uganda

Israel Mbonyi yaririmbye nyinshi mu ndirimbo ze zakunzwe

Abakunzi b'umuziki wa Israel Mbonyi kuva ku ndirimbo zo hambere kugeza ku zigezweho uyu munsi batashye bamwenyura

Israel byamurengaga akajyana n'abakunzi be bari baryohewe n'igitaramo

Byari ibyishimo kuri Israel Mbonyi wari utaramiye bwa mbere muri Uganda akahakorera amateka

Bari bitwaje idarapo ry'u Rwanda mu gitaramo cya Israel Mbonyi

Hari igihe bikurenga amarira agashoka ku matama

Israel Mbonyi yanyuzagamo akanicurangira gitari

Intebe bagombaga kwicaraho byabaye ngombwa ko bazihagararaho kugira ngo barebe imbere

Abantu bari benshi cyane mu gitaramo cya Israel Mbonyi

Byageze aho buri wese arahaguruka babyinana na Israel Mbonyi

Hagati mu bakunzi b'umuziki byari ibicika kuko bari benshi kandi ubona ko bizihiwe

Yabuze uko agaragaza ibyishimo azamura intebe mu bicu

Abantu bari benshi cyane

Ambasaderi w'u Rwanda muri Uganda Col. Joseph Rutabana (ubanza ibumoso) wari kumwe n'umugore we, yashimiye Israel Mbonyi ku bw'igitaramo yakoreye muri iki gihugu

Ubwitabire bwari hejuru mu gitaramo cya Israel Mbonyi

Abakunzi ba Israel Mbonyi batashye bashize ipfa ku muziki we

Amafoto: Focus Eye