Akigera ku kibuga cy’indege i Entebbe mbere yo kwerekeza muri Onomo Hotel aho acumbitse, Israel Mbonyi yavuze ko yishimiye kuba agiye gutaramira muri Uganda, igihugu ubusanzwe yagendagamo agiye gusura inshuti n’abavandimwe.

Ibi yabigarutseho mu kiganiro yagiranye n’itangazamakuru ryari ryagiye kumwakira ku kibuga cy’indege cy’i Entebbe ari ryinshi.

Uyu muhanzi ariko kandi yaboneyeho umwanya wo gutumira abakunzi b’umuziki we batuye i Kampala no muri Uganda muri rusange abasaba kuzitabira ari benshi ndetse abizeza kuzahagirira ibihe byiza.

Ati “Ndabatumira ngo bazaze dufatanye guhimbaza Imana, sinjye uzarota kigeze nkabana nabo.” Ubu ni ubutumwa yageneye abifuza kwitabira igitaramo cye yaba i Kampala ndetse n’i Mbarara.

Israel Mbonyi agiye gukorera ibitaramo bibiri muri Uganda nyuma yo gutaramira muri Kenya mu minsi ishize, ndetse amakuru ahari agahamya mu minsi iri imbere agomba kuzataramira muri Tanzania.

Ibi bitaramo bizenguruka Akarere byahereye i Burundi mu bihe byashize, bizasorezwa i Kigali aho Israel Mbonyi azataramira ku wa 25 Ukuboza 2024 nkuko amaze kubimenyereza abakunzi be.

Byinshi ku bitaramo bya Mbonyi muri Uganda

Ubwo Israel Mbonyi yasohokaga mu kibuga cy'indege cy' Entebbe muri Uganda

Israel Mbonyi yakiranywe urugwiro muri Uganda

Mu bigaragara Israel Mbonyi yishimiye uko yakiriwe i Kampala

Itangazamakuru ryo muri Uganda ntabwo ryatanzwe ku kibuga cy'indege

Israel Mbonyi yahawe idarapo rya Uganda

Mbere yo kuganira n'abanyamakuru, Israel Mbonyi babanje kumusengera

Israel Mbonyi yari yahawe imodoka zariho ibirango byerekana ko yageze mu mujyi

Iyi niyo modoka yatwaye Israel Mbonyi

David Bayingana na Muyoboke Alex bari mu baherekeje Israel Mbonyi i Kampala