Uyu muhanzi ni umwe mu bari batumiwe mu gitaramo ‘Churchill Show Crossover’ cyabereye mu Mujyi wa Nairobi, aho yahuriye ku rubyiniro n’abarimo Christina Shusho, Eunice Njeri, Joel Lwanga n’abandi benshi.

Muri iki gitaramo, Israel Mbonyi yasanze batigeze batekereza ko akora umuziki wa Live, ibyatumye adakora igitaramo cyiza nkuko yabyifuzaga.

Ubwo yari ku rubyiniro, ageze hagati yagize ati “Kenya ndabakunda, ndifuza ko umunsi umwe nazaza hano nje kubakorera igitaramo kinini kandi cyiza cyane.”

Ati “Ntababeshye iwacu biragoye gukora igitaramo cya Playback, ni nayo mpamvu tuba twazanye ikipe y’abacuranzi beza kugira ngo badufashe kuryoherwa n’umuziki. Ntavuze ko ibyuma ari bibi, nanjye ubwanjye ntabwo ndi kwiyumva.”

Israel Mbonyi yahise ahamagara Churchill imbere y’abafana amusaba gutegura igitaramo kinini akazamutumiramo mu rwego rwo kunezeza abakunzi be.

Churchill nawe utagoranye yahise yemera ko muri gahunda bafite harimo gutegura ibindi bitaramo binini kandi bizeye nza kuzongera kumutumira.

Nubwo atari yanyuzwe n’ibyuma, Israel Mbonyi ntabwo yigeze yicisha irungu abakunzi be kuko yabaririmbiye indirimbo ze ziganjemo iziri mu ‘Kiswahili’ ziyobowe na ‘Nina Siri’ ndetse na ‘Nitaamani’ ikunzwe bikomeye i Nairobi.

Abakunzi b'umuziki bari benshi mu gitaramo cya Israel Mbonyi

Umunyarwenya Churchill ni umwe mu bafite izina rikomeye muri Kenya

Nyuma y'igitaramo uyu munyabugeni yashyikirije Israel Mbonyi impano ye

Nubwo atishimiye ibyuma yacurangiyeho, Israel Mbonyi yatanze 'Ubunani' ku Banya-Kenya

Israel Mbonyi yavuze ko yishimiye kongera gutaramira muri Kenya

Israel Mbonyi yari yajyanye n'itsinda risanzwe rimufasha ku rubyiniro

Israel Mbonyi n'abamufasha ku rubyiniro banyuzagamo bakabyinira abakunzi b'uyu muhanzi

Israel Mbonyi ukunzwe bikomeye muri Kenya ni uku yahingutse ku rubyiniro

Churchill yemeye ko ibyuma bitari bimeze neza, yizeza Israel Mbonyi ikindi gitaramo i Nairobi

Churchill wateguye ibi bitaramo ni nawe wakiriye Israel Mbonyi ku rubyiniro

Israel Mbonyi byamusabye gukoresha imbaraga zose zishoboka kugira ngo ashimishe abakunzi be, cyane ko ibyuma bitamworoherezaga

Churchill yahamije ko azongera gutumira Israel Mbonyi mu gitaramo noneho kizaba ari ntamakemwa

Abakunzi b'umuziki we bamwakiranye yombi ku rubyiniro

Amafoto: Nsengiyumva Emmy