Ku mpapuro z’ubutumire bw’uyu mukobwa n’uyu musore, handitseho ko ku wa 7 Nzeri uyu mwaka hazabaho imihango yo gusaba no gukwa. Iyi izabera mu karere ka Rubavu mu Burengerazuba bw’u Rwanda.

Ku wa 14 Nzeri hazabaho imihango yo gusezerana mu rusengero rwa New Life Bible Church Kicukiro. Ni mu gihe kandi mu mugoroba w’uwo munsi abatumiwe bazishimana n’inshuti n’imiryango muri Romantic Garden ku Gisozi.

Uyu mukobwa ntabwo yakunze kuvugwa mu nkuru z’urukundo, gusa muri Kamena uyu mwaka nibwo yagaragaje umusore wamutwaye umutima yifashishije ubutumwa yashyize ku rubuga rwa Instagram.

Aha yahashyize amafoto ye na Dr. Joël Bahoza usanzwe ari umuganga ukora muri Minisiteri y’Ubuzima mu Rwanda.

Ishimwe yambitswe ikamba rya Miss Heritage muri Werurwe 2021 mu birori Ingabire Grace yambikiwemo ikamba rya Nyampinga w’u Rwanda.

Ishimwe niwe wabaye Miss Heritage mu 2021

Ishimwe Sonia agiye gukora ubukwe n'umukunzi we