Kuri iki Cyumweru tariki 27 Ukuboza 2020 binyuze kuri Televiziyo na Radio Isango Star buri muhanzi watsinze yashyikirijwe igihembo cye.

Abahanzi bose batsindiye ibihembo ubwo baganiraga na IGIHE bahurizaga ku gushimira Isango Star yatekereje iki gikorwa.

Buri wese mu begukanye ibihembo yahamije ko uyu mwaka wari ugoranye ariko ko gukora cyane aribyo byabafashije.

Muyoboke Alex, Umujyanama w’abahanzi wari watumiwe muri iki gikorwa, yavuze ko yishimiye uburyo itangazamakuru ritangiye gukangukira gushimira abahanzi bitwaye neza kurusha abandi.

Yavuze ko ari kimwe mu bifasha abahanzi kwisuzuma no gukora cyane, iterambere ry’imyidagaduro rikihuta.

Muyoboke yavuze ko Isango Star ubutaha yazongera umubare w’ibyiciro ihemba bityo buri rwego rukisangamo.

Ibi byahise bisubizwa na Jean Lambert Gatare, Umuyobozi wa Isango Star wavuze ko kimwe mu byo bateganya kongera mu bihe bizaza ari ibyiciro bihembwa.

Uyu muyobozi wa Radiyo Isango Star, yavuze ko bashimishijwe bikomeye n’imigendekere y’iki gikorwa avuga ko ari ikintu kizajya kiba buri mwaka.

Usibye aba bahembwe, mu itangwa ry’ibi bihembo hanashimiwe umunyamakuru Ally Soudy watangije ikiganiro Isango na Muzika, Phil Peter watumye gikomera na MTN Rwanda nk’umuterankunga wacyo.

Hashimiwe kandi Ishuri rya Muzika rya Nyundo ku ruhare rimaze kugira mu iterambere rya muzika ndetse na EAP (East African Promoters) yagaragaje ubushake bwo gushyigikira umuziki mu bitaramo bitandukanye.

Reba abatsinze

BEST MALE ARTIST

 Bruce Melodie -Uwatsinze

 Davis D

 Meddy

 Platini

BEST FEMALE ARTIST

 Alyn Sano -Uwatsinze

 Butera Knowless

 Clarisse Karasira

 Marina

NEW ARTIST

 King Kivumbi

 Kevin Kade

 Nel Ngabo

 Juno Kizigenza -Uwatsinze

BEST SONG OF THE YEAR

 Closer by Uncle Austin ft Meddy & Yvan Buravan

 Ntiza by Mr. Kagame ft B. Melody

 Saa moya by Bruce Melodie

 Igare by Mico the best -Uwatsinze

BEST AUDIO PRODUCER

 Bob Pro

 Ishimwe Clement

 Element Eleeh -Uwatsinze

 Madebeats

BEST VIDEO PRODUCER

 Bernard Bagenzi

 Cedric Dric

 Eazy cuts

 Meddy Saleh -Uwatsinze

BEST GOSPEL ARTIST

 Christus Regnat Choir

 James & Daniella

 Aline Gahongayire

 Israel Mbonyi -Uwatsinze

BEST ACTOR

 Gratien Niyitegeka -Uwatsinze

 Ramadhan Benimana (Bamenya)

 Jean Bosco Uwihoreye (Ndimbati)

 Emmanuel Ndayizeye (Nick)

BEST ACTRESS

 Beatha Mukakamanzi (Maman Nick) -Uwatsinze

 Jeannette Bahavu

 Djalla Mukayizeri (KetchUp)

 Antoinette Uwamahoro (Superansiya)

Ibihembo n'amashimwe byari byateguwe kare

Jean Lambert Gatare aha ikaze abashyitsi anabasobanurira impamvu y'ibi bihembo

Mukakamanzi Beate uzwi muri filimi nka Mama Nick niwe mukinnyi wa sinema w'Umugore witwaye neza

Niyitegeka Gratien uzwi nka Papa Sava yegukanye igihembo cy'umukinnyi wa filime mwiza

Israel Mbonyi yegukanye igihembo cy'umuhanzi wa Gospel mwiza

Mike Karangwa wakoze igihe kinini ku Isango Star ni we wari uyoboye ibi birori

Indirimbo 'Igare' ya Mico The Best niyo yabaye indirimbo y'umwaka

Producer Element niwe watoranyijwe nk'intyoza mu gutunganya indirimbo z'abahanzi

Juno Kizigenza yegukanye igihembo cy'umuhanzi mushya

Alyn Sano yegukanye igihembo cy'umuhanzikazi w'umwaka

Chris Hat yataramiye abakurikiye uyu muhango kuri Televiziyo na Radiyo Isango Star

Umuhire Rebecca ukora mu kiganiro Isango na Muzika yari yabukereye

Lucky Nzeyimana wakoze ku Isango Star yashyikirijwe ishimwe rya Ally Soudy

Muligande Jacques ashyikirizwa ishimwe ry'ishuri rya Muzika rya Nyundo ayobora

Wibabara Gisele yashyikirijwe ishimwe rya MTN Rwanda nk'umuterankunga mukuru w'iki kiganiro

Lucky Nzeyimana na Khalex umwe mu banyamakuru bakora ikiganiro Isango na Muzika

Lucky Nzeyimana, Wibabara Gisele na Cedric ukora Isango na Muzika ku Isango TV

Amafoto: Muhizi Serge
Video: Uwacu Lizerie