Ni igitaramo cyabaye ijoro ryo ku wa 28 kugeza mu rukerera rwo ku wa 29 Ukuboza 2024. Cyateguwe na Taurus Entertainment yo muri Canada izwiho gutegura ibitaramo bitandukanye.

DJ MadMaxx wo mu Bufaransa wari umushyitsi mukuru muri iki gitaramo yagiye ku rubyiniro yitezwe na benshi, bari bari muri iki gitaramo cyari cyakubise cyuzuye aho cyabereye.

Uyu musore bamwe bari biteze ko acuranga indirimbo zo mu bihugu by’i Burayi cyangwa izindi zitarimo n’izo muri Afurika, ariko si ko byagenze kuko yacuranze uruvange rw’indirimbo zirimo n’izo mu Rwanda bishimisha benshi.

Mu ndirimbo yacuranze harimo ‘Dami Duro’, ‘Available’ na ‘Ayee’ za Davido, ‘Collabo’ ya Don Jazzy na P-Square, ‘Girl on Fire’ ya Alicia Keys, ‘Slowly’ na ‘Carolina’ za Meddy.

Hari kandi ‘4 Kampé’ y’umunya-Haiti Joé Dwèt Filé iri mu ndirimbo zigezweho cyane, ‘Mnike’ ya Tumelo.za and Tyler ICU, ‘Kulosa’ ya Oxlade n’izindi nyinshi ziganjemo izo muri Afurika zirimo n’Amapiano.

Uyu musore ufite umwihariko mu gucuranga yanyuzagamo, akegera abari bitabiriye iki gitaramo akanabyina. Ajya gusoza yabasabye kuzamura telefone bagacana amatoroshi arangije afatana ifoto nabo azinga ibyuma arataha.

Ubwo DJ MadMaxx yageraga mu Rwanda

DJ MadMaxx yageze mu Rwanda ajya kuri hoteli guhindura imyambaro ubundi ajya gutaramira abari bamutegereje kuri Atelien du Vin

Aba-Dj batandukanye bahawe umwanya muri iki gitaramo

Bamwe bafashe ifoto y'urwibutso

Abakobwa babyinishije bagenzi babo karahava

Abitabriiye babyinnye umuziki ipfa rirashira

Buri wese yabyinnye uko abishoboye

Abari bitabiriye iki gitaramo barirekuye barabyina karahava

DJ Ino uri mu bavanga imiziki bari kuzamuka neza ni umwe mu basusurukije abari bitabiriye iki gitaramo

Zimwe mu ndirimbo zacurangwaga benshi ntibahishe amarangamutima yabo

DJ Ino yagaragaje ubuhanga mu kuvanga imiziki

DJ MadMaxx yageze ku rubyirniro ategerejwe na benshi

Byageze aho inkumi zimwe zisanga DJ MadMaxx ku rubyiniro

DJ MadMaxx yageze aho asaba abari bitabiriye gucana telefone zabo bafatana na we ifoto y'urwibutso

DJ MadMaxx ni ubwa mbere yari acurangiye mu Rwanda

DJ MadMaxx yafatanye ifoto n'abateguye iki gitaramo

DJ June ugezweho mu bavanga imiziki ni umwe mu basusurukije abari bitabiriye

DJ Tity yahawe umwanya asusurutsa abakunzi be

DJ Tyga yageze aho akuramo ikote yari yamnbaye

Igitaramo cya DJ MadMaxx mu Rwanda cyari cyitabiriwe ku bwinshi ndetse muri Atelien du Vin aho cyabereye hari hakubise huzuye

DJ Tyga yashimishije benshi

Iki gitaramo cyabaye iminsi ibiri

Iki gitaramo cyari cyateguwe na Taurus Entertainment yo muri Canada izwiho gutegura ibitaramo bitandukanye

Iki gitaramo kiri mu bisoza umwaka byitabiriwe ku bwinshi

Imyambarire y'ibirori ni yo yaranze iki gitaramo

Amafoto: Kasiro Claude