Ingabire Pascaline yibarutse ubuheta

Yanditswe na Nsengiyumva Emmy
Kuya 17 Mata 2021 saa 01:17
Yasuwe :
0 0

Ingabire Pascaline benshi bazi nka Samantha kubera filime yakinnye yitwa iri zina, yibarutse ubuheta mbere y’amasaha make ngo yizihize isabukuru ye y’amavuko.

Samantaha wibarutse mu ijoro ryo kuri uyu wa Gatanu tariki 16 Mata 2021, yiteguraga kwizihiza isabukuru ye y’amavuko kuri uyu wa Gatandatu tariki 17 Mata 2021.

Mu gihe inshuti ze zari zatangiye gushyashyana zimwoherereza ubutumwa bwo kumwifuriza isabukuru y’amavuko, zahise zakirizwa inkuru nziza y’uko yibarutse ubuheta.

Umwe mu nshuti z’uyu mubyeyi waganiriye na IGIHE yagize ati “Twatunguwe, nari ntangiye kumwoherereza ubutumwa bumwifuriza isabukuru nziza y’amavuko, nyuma mpita mbona amakuru y’uko yibarutse.”

Amakuru avuga ko yaba umubyeyi n’umwana bameze neza nubwo akiri kwitabwaho n’abaganga kuko yavutse atagejeje igihe.

Ingabire Pascaline yamenyekanye cyane nka Samantha muri Filime Nyarwanda ndetse akaba yarakinnye n’izindi zirimo “Teta” nayo yamwitiriwe ikamamara cyane.

Uyu mwaka ubaye uw’amahirwe kuri uyu mubyeyi kuko muri Werurwe 2021 yasoje Icyiciro cya Kabiri cya kaminuza.

Samantha yigaga Ibaruramari muri Kaminuza yigenga ya Kigali (ULK). Amashuri yisumbuye yayize muri G.S. ASPEKA Kayenzi.

Samantha yibarutse ubuheta
Uyu mubyeyi yari aherutse kurangiza amashuri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .