Indirimbo z’ibyamamare birimo 2Pac, 50 Cent na Lil Wayne zatangiye kuvugururwa zitavuye kuri YouTube

Yanditswe na Uwiduhaye Theos
Kuya 18 Ugushyingo 2020 saa 06:07
Yasuwe :
0 0

Urubuga rwa YouTube ku bufatanye na Universal Music Group, batangiye kuvugurura indirimbo zakanyujijeho z’abahanzi bakomeye muri Amerika, amashusho yazo anozwa kurushaho ndetse n’amajwi aratunganywa, bikorwa zidasibwe kuri urwo rubuga rukinirwaho umuziki.

YouTube yavuze ko yashatse ko izi ndirimbo zijyana n’igihe byaba mu buryo zumvikanamo n’uko zigaragara, kuko abantu batishimiraga uburyo zimeze ku nyakiramashusho n’inyakiramajwi zabo.

Indirimbo amashusho yazo yashyizwe muri High Definition (HD) ni izitarageza kuri miliyari y’abazirebye, mu gihe izagejeje kuri uwo mubare zikanawurenza zo zashyizwe muri 4K resolution.

Izi ndirimbo kandi zakorewe ’mastering’ mu kunoza uburyo zumvikana, byose biba zitavuye kuri YouTube, zigumana umubare w’abari barazirebye kuva kera, ahubwo bakomeza kwiyongera nta gihindutse na gito.

Mu mwaka ushize havuguruwe indirimbo 100 zirimo White Wedding ya Billy Idol, Sabotage ya Beastie Boys, End of the Road ya Boyz II Men, When I Think of You ya Janet Jackson, Bad Romance ya Lady Gaga, She Will Be Loved ya Maroon 5 n’izindi.

Hari gahunda yo kuvugurura nibura indirimbo 1000 kugeza uyu mwaka wa 2020 urangiye. Indirimbo zavuguruwe zizajya zigaragara ku rubuga rwa YouTube, nyuma zizajya no kuri Google Play Music.

Abantu bazajya berekwa hasi ahashyirwa ubutumwa bujyanye n’indirimbo, ko zasubiwemo.

Reba zimwe mu ndirimbo zongeye kuvugururwa muri uyu mwaka wa 2020


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .