Indirimbo 10 zubatse amateka zakozwe na Producer Junior waciwe ukuboko kubera impanuka

Yanditswe na Uwiduhaye Theos
Kuya 6 Mata 2019 saa 03:46
Yasuwe :
0 0

Kuwa Gatatu w’iki cyumweru mu maso y’abakunzi n’abazi Producer Junior Multisystem, hajengaga amarira n’agahinda nyuma y’uko aciwe ukuboko kw’ibumoso biturutse ku mpanuka y’imodoka yamugonze.

Producer Junior Multisystem ni umwe mu bakora ibihangano bafite izina rikomeye mu muziki nyarwanda, yakoze indirimbo nyinshi zakunzwe mu Rwanda ndetse aba umwe mu bakora akazi bashyize ibuye ry’ifatizo ku muziki.

Ushaka kureba ubuhangange bw’uyu musore wabubonera ku kuntu abahanzi benshi bakoranye nawe bacitse ururondogoro ku mbuga nkoranyambaga ndetse kwakira ibyamubayeho bamwe byarabagoye.

Si abakoranye nawe gusa ahubwo n’abandi bagiye bakunda ibihangano yakoze kubera ubuhanga bwe, bashenguwe bikomeye no kuba yaciwe ukoboko.

Junior ubusanzwe witwa Karamuka Jean Luc, yakoze mu nzu zitunganya umuziki zitandukanye zirimo Unlimited Records yakoranyemo na Lick Lick usigaye uba muri Leta Zunze Ubumwe za Amerika.

Akora muri Touch Records, Round Music ya Lil G ndetse ubu yari amaze igihe gito atangiye gukorera muri studio ya Oda Paccy yitwa Empire Records.

Mu butumwa Oda Paccy yashyize hanze nyuma y’inkuru yemeza ko Producer Junior agiye gucibwa ukuboko, yagaragaje ko mbere y’uko akora impanuka ku wa Gatandatu yasaga nk’uwari wabyiyumvishemo kuko yamuhamagaye bagakora indirimbo mu buryo butunguranye.

Ati “Mfite byinshi byo kukuvugaho ariko icyo ntakwibagirwa kurenza ibindi mu minsi ishize waraje urakora nta gahunda nari mfite yo gufata amajwi y’indirimbo ariko warambwiye ngo ‘Paccy Ngwino Dukore bigishoboka ufatirana ibintu bigishoboka’ dutangira indirimbo ubwo irarangira ntawari uzi uko imbere bimeze.”

Umwe mu basuye Junior ku mugoroba wo kuri uyu wa Kane aho arwariye muri CHUK, yabwiye IGIHE ko uyu musore akimerewe nabi kuko yegura umutwe bigoranye ndetse akaba apfutse ibitambaro umubiri wose.

Ati “Ntabwo nakubwira ngo Junior ameze ate, gusa ni ukujyayo ukamureba nta kwinyagambura ugahita usohoka, yambaye bomboni ariko yegura amaso ukabona arakurebye akongera agasinzira. Birakaze, baramworoshe ntabwo wabona ukuboko kwe aba ari mu mashuka menshi.”

N’ubwo bimeze gutya Producer Junior afite indirimbo zo kumwibukiraho ndetse zagiye zikora amateka.

IGIHE yakusanyije indirimbo icumi z’uyu musore zakoze akazi gakomeye, izi ndirimbo ni nkeya mu zo Junior Multisystem yakoze kuko ntiwazibara ngo uzirangize, gusa izi nizo twabatoranyirije. Izo yakoze ziganjemo iza Oda Paccy n’abandi bahanzi batandukanye bafite amazina akomeye mu Rwanda.

Kure y’imbibi ya Diplomate na Young Junior

Umwanzuro wa Urban Boyz na Riderman

Umfatiye Runini ya Urban Boyz na Riderman

Too Much ya Jay Polly

Wancitse vuba ya Riderman na Bruce Melodie

Ca Inkoni Izamba ya Fireman na Queen Cha

Gangster love ya Oda Paccy, Knowless & Jay Polly

You And I ya Jay Polly na Princess Priscillah

Tubaye Umwe ya Dream Boyz

Ibitenge ya Urban Boys, Amag the Black & King James


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza