00:00:00 IGIHE NETWORK KN KINYARWANDA EN ENGLISH FR FRANCAIS

Indirimbo 10 zo kwitega mu gitaramo cya Israel Mbonyi

Yanditswe na Nsengiyumva Emmy
Kuya 20 Ukuboza 2022 saa 05:40
Yasuwe :

Mu gihe habura iminsi mbarwa Israel Mbonyi agataramira abakunzi be mu gitaramo agiye gukorera i Kigali muri BK Arena, aho byitezwe ko azamurikira album ebyiri zose yakozeho kuva icyorezo cya Covid-19 cyakwaduka kigahagarika byinshi.

Ni igitaramo bitaratangazwa ko hari abahanzi runaka bazafatanya, ibi bikaba bisobanuye ko Israel Mbonyi ari we uziharira urubyiniro igihe kinini.

Iki gitaramo giteganyijwe ku wa 25 Ukuboza 2022, aho kwinjira bizaba ari 5000Frw mu myanya isanzwe, ibihumbi 10Frw, ibihumbi 15Frw n’ibihumbi 20Frw.

Israel Mbonyi yaherukaga gukora igitaramo cyo kumurika album mu 2017 ubwo yashyiraga hanze iyitwa ‘Intashyo’.

Mu mpera z’umwaka ushize, Israel Mbonyi yasohoye album ye ya kane yise ‘Icyambu’, iyi ikaba yari yarabanjirijwe n’iya gatatu yise ‘Mbwira’ , yagiye hanze mu 2019.

Mu 2014, Israel Mbonyi yasohoye album ye ya mbere ‘Number one’, yamurikiye mu gitaramo yakoreye muri Kigali Serena Hotel mu 2015.

Iya kabiri yise ‘Intashyo’, yamuritswe mu gitaramo yakoreye muri Camp Kigali mu 2017.

Mu Ukuboza 2020 Israel Mbonyi yagombaga gukora igitaramo cyo kumurika album ye ya gatatu ‘Mbwira’ ariko imirimo yo kugitegura ibangamirwa n’icyorezo cya Covid-19.

Muri iki gihe amaze adakora igitaramo bitewe n’icyorezo cya Covid-19, Israel Mbonyi yakoze nyinshi mu ndirimbo zakunzwe ariko abakunzi be batarabona aho aziririmba.

Amatike y'igitaramo cya Israel Mbonyi yatangiye kujya ku isoko yaba ku ikoranabuhanga n'ahandi

Indirimbo zo kwitega mu gitaramo cya Israel Mbonyi


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .