00:00:00 IGIHE NETWORK KN KINYARWANDA EN ENGLISH FR FRANCAIS

Indirimbo 10 z’ibihe byose mu zo Junior Multisystem yarambitseho ibiganza

Yanditswe na Nsengiyumva Emmy
Kuya 7 Ukuboza 2022 saa 12:58
Yasuwe :

Junior Multisystem uri mu ba Producers bakomeye umuziki w’u Rwanda wagize, yashyize hanze urutonde rw’indirimbo icumi z’ibihe byose yakoze kuva yatangira aka kazi.

Junior Multisystem ari mu bihe bitamworoheye byatewe n’uburwayi bumurembeje bwaturutse ku mpanuka yakoze agacibwa akaboko.

Uyu mugabo ni umwe mu batangiye umwuga wo gutunganya indirimbo mu myaka yo ha mbere. Kuva mu 2009 akirangiza amashuri yisumbuye, Junior Multisystem abifashijwemo na Emile nzeyimana yahise atangira kwiga ibyo gutunganya indirimbo.

Ni umwuga yahariye ubuzima bwe bwose kuko nyuma y’umwaka umwe yari amaze kurambagizwa na F2K Studio yari igezweho icyo gihe. Yahahuriye na Producer Lick Lick wanahamukuye amujyana muri Unlimitted Records mu 2011.

Lick Lick yasize Junior Multisystem muri Unlimited Records ubwo yerekezaga muri Leta Zunze Ubumwe za Amerika.

Junior Multisystem yakomeje akazi mu ma studio atandukanye kugeza muri Ladies Empire yahoze ari iya Oda Paccy aheruka gukoramo mu 2019 ari naho yakoze impanuka akora.

Kuva yakora impanuka agacibwa akaboko, byagize ingaruka ku kazi ka Junior Multisystem ko gutunganya indirimbo.

Mu kiganiro cyihariye yagiranye na IGIHE, Junior Multisystem utibuka umubare w’indirimbo yakoze mu myaka amaze muri uyu mwuga, yakomoje ku icumi avuga ko ari ize z’ibihe byose mu zo yakoze.

Izo ndirimbo ni Umwanzuro ya Urban Boys, Niko nabaye ya DJ Zizou n’abahanzi b’ibyamamare, I’m Back ya Jay C na Bruce Melodie, Ntujya unkinisha ya Bruce Melodie, Too much yahuje abahanzi benshi, Ndacyariho ya Jay Polly, Byarakomeye ya Butera Knowless, Uh Lala ya King James, Ku bwawe ya Uncle Austin na Ndaje ya The Ben.

Uru nirwo rutonde Junior yashyize hanze

1. Umwanzuro ya Urban Boys

2. Niko nabaye ya DJ Zizou n’abahanzi b’ibyamamare

3. I’m Back ya Jay C na Bruce Melodie

4. Ntujya unkinisha ya Bruce Melodie

5.Too much yahuje abahanzi benshi

6. Ndacyariho ya Jay Polly

7.Byarakomeye ya Butera Knowless

8. Uh Lala ya King James

9. Ku bwawe ya Uncle Austin

10. Ndaje ya The Ben

Junior Multisystem ni umwe mu ba Producers bakomeye u Rwanda rwagize mu muziki
Nyuma yo gukora impanuka yatumye acibwa akaboko gakomeje kumutera ibibazo, ubuzima bwa Junior Multisystem bwarahindutse akazi karagorana ndetse ubu ari gutabarizwa ngo abashe kwivuza akire neza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .