Ibirori ngarukamwaka by’imideli biri mu bikomeye muri Leta Zunze Ubumwe za Amerika bizwi nka ‘Met Gala’, byabaye ku nshuro ya 20, byitabirwa n’ibyamamare mu ngeri zose byanyuranye umucyo ku itapi itukura mu myambarire idasanzwe.

Byari byakoranyije benshi mu bafite amazina azwi mu myidagaduro y’Isi kuva ku bahanzi, abamurika imideli, abakinnyi mu mikino itandukanye n’abandi benshi.

Mu bitabiriye harimo Kamala Harris wahoze ari Visi Perezida wa Amerika hamwe n’umugabo we Doug Emhoff, Nicki Minaj wari umaze igihe atagaragara, Ciara n’umugabo we Russell Wilson, Cardi B n’abandi benshi.

By’umwihariko umuhanzi Rihanna yatunguranye muri ibi birori yerekana ko yitegura kwibaruka umwana wa gatatu. Ibi yabigaragaje mu ruhame nyuma y’iminsi bivugwa ku mbuga nkoranyambaga.

Ibi birori byatangiye mu 1948. Guhera mu 2005, byatangiye kujya biba buri wa mbere w’icyumweru cya mbere cya Gicurasi buri mwaka.

Ibi birori bya Met Gala benshi bita ‘Costume Institute Gala’, byabereye muri Metropolitan Museum of Art ari na yo itegura iri serukiramuco ngarukamwaka ry’imideli mu Mujyi wa New York.

Mu mafoto, ihere ijisho uko ibyamamare bitandukanye batambukanye umucyo muri ibi birori.

Bwa mbere, Kamala Harris n’umugabo we bitabiriye ibirori bya Met Gala

Rihanna witegura kwibaruka umwana wa gatatu, yari yabukereye

Umuhanzikazi Shakira ni uko yaserutse muri ibi birori

Umukinnyi wa filime Colman Domingo yitabiriye ibi birori by’imideli

Umuraperikazi Megan Thee Stallion yari yambaye ikanzu yarengejeho ikintu gifite ubwoya

Umuhanzi Usher n’umugore we bari babukereye

Umuhanzikazi Doja Cat ni uko yari yambaye

Umuraperikazi Cardi B na we yari yabukereye

Imyambarire y'umuhanzi Sabrina Carpenter muri ibi birori

Umuhanzi Bad Bunny yari yitwaje igikapu

Umuraperikazi Nicki Minaj yigaragaje mu isura nshya

Umunyamideli Hailey Baldwin Bieber usanzwe ari umugore wa Justin Bieber

Umunyamideli Kim Kardashian na we yari ahabaye

Umuraperi Andre 300 yatunguranye aheka Piano muri ibi birori

Umuhanzi Pharrell Williams n’umugore we bari mu bitabiriye

Umwanditsi wa filime unazitunganya Anna DuVernay

Umuhanzikazi Teyana Taylor ni uko yaserutse mu birori bya Met Gala 2025

Umuhanzikazi Tyla na we yari yitabiriye ibi birori

Umukinnyi wa filime Cynthia Erivo yaserutse muri iyi myambarire

Tems ari mu bahanzi Nyafurika bitabiriye ibi birori

Umunyamideli Kylie Jenner ari mu bagaragaye muri Met Gala 2025

Umukinnyi wa filime Lala Anthony yari yabukereye

Umunyamidelikazi Kendal Jenner na we ari mu bitabiriye

Umuhanzikazi Ciara yaserukanye n’umugabo we Russell Wilson

Umuhanzikazi akaba n’umukinnyi wa filime Keke Palmer yari yabukereye

Umwanditsi wa filime Mindy Kaling ni uko yaserutse muri ibi birori

Ikanzu ya Diana Ross yari yihariye

Lewis Hamilton ukina Formula One na we yari ahari

Uko Serena Williams ukina Tennis yaserutse