Igitaramo cyabereye kuri Stade ya Gicumbi, ubwo cyari kigiye gutangira ahagana Saa Munani z’amanywa, imvura yahise yisuka abantu bakwirwa imishwaro bajya kugama.

Nyuma y’iminota itari mike, yaje gutanga agahenge maze MC Buryohe na Bianca bongera gusubira ku rubyiniro bashyushya abantu.

Danny Nanone ni we muhanzi wabanje ku rubyiniro agira umwanya uhagije wo kwereka abakunzi be ibyo ashoboye, ni umuraperi abakunzi b’umuziki i Gicumbi beretse urukundo ku rwego rwo hejuru.

Ntabwo Danny Nanone yigeze agaragaza intege nke ahubwo yagaragazaga imbaraga n’inyota yo gushimisha abakunzi be.

Nyuma ya Danny Nanone, Ruti Joel ni we wakurikiye ku rubyiniro aherekejwe na bamwe mu bagize itsinda Ibihame by’Imana.

Ruti Joel ukora umuziki gakondo yanyuzagamo agacinyana akadiho n’abasore bo mu Itorero Ibihame by’Imana, ibintu byashimishije bikomeye abakunzi be.

Cyari igitaramo cye cya mbere kuko uyu muhanzi ubwo abandi bataramiraga i Musanze yari yitabiriye icya Intore Massamba cyari cyabereye muri BK Arena.

Bwiza ni we wakurikiye Ruti Joel, uyu mukobwa yakoresheje imbaraga nyinshi kugira ngo ashimishe abakunzi be.

Muri iki gitaramo, Bwiza wari ukandagiye i Gicumbi ku nshuro ye ya kabiri, yagaragarijwe urukundo rukomeye n’abakunzi be babyinana nyinshi mu ndirimbo ze.

Akiva ku rubyiniro, yahaye umwanya Bushali uri mu baraperi bakunzwe bikomeye mu muziki w’u Rwanda.

Nyuma ya Bushal, ku rubyiniro hakurikiyeho Kenny Sol, umwe mu bahanzi bashya ariko bishimiwe ndetse anaririmbana n’abakunzi be nyinshi mu ndirimbo ze zigezweho.

Kenny Sol wagiye ku rubyiniro amasaha yatangiye kugendana abateguye iki gitaramo, akiva ku rubyiniro yakurikiwe na Chriss Eazy wagaragarijwe urukundo bikomeye i Gicumbi.

Chriss Eazy yaririmbye nyinshi mu ndirimbo ze zakunzwe mbere y’uko ava ku rubyiniro akarusigira Bruce Melodie wari umuhanzi wa nyuma.

Bruce Melodie wari wanigaragaje i Musanze, yongeye kwerekwa urukundo i Gicumbi ataramana na bo mu ndirimbo ze nyinshi kugeza ubwo igitaramo cyari gihumuje.

Muri ibi bitaramo Danny Nanone na Ruti Joel bafte umwihariko wo kugira amatsinda yabo abacurangira, mu gihe abandi bose bacurangirwa na Symphony Band.

Kwinjira muri VIP bisaba kwishyura ibihumbi 2 Frw ugahabwamo amafaranga yo guhamagara

Abakunzi b'umuziki bahageze hakiri kare

Abahanzi b'i Gicumbi babanje guhabwa umwanya wo kugaragaza impano

DJ Trick niwe watangiye ashyushya abakunzi b'umuziki bari i Gicumbi

Abakunzi b'umuziki b'i Gicumbi bari babukereye

Imvura yaje kuba kidobya ituma igitaramo gihagarara kitaranatangira neza, bamwe banze kujya kugama baguma mu myanya yabo ibahitiraho

Ubwo imvura yari igabanyutse Polisi yari itangiye akazi ko kureba niba abantu basubira mu myanya yabo mu ituze

MC Buryohe na Bianca nibo bari bayoboye ibi birori

Danny Nanone yabanje ku rubyiniro, yerekana ko usibye kuba umuziki ari impano, ariko yanawize

Danny Nanone yakoresheje imbaraga nyinshi ku rubyiniro

Danny Nanone yari afite itsinda ry'ababyinnyi bari kumufasha ku rubyiniro

Danny Nanone ahamya ko yavuye ku rubyiniro atanze ibyo yari afite byose

Ruti Joel yatangiriye ibitaramo bya MTN Iwacu Muzika Festival i Gicumbi

Ruti Joel yishimiwe bikomeye n'abakunda umuziki gakondo

Ruti Joel yafashijwe ku rubyiniro n'abasore babana mu itorero Ibihame by'Imana

Uretse gutarama baririmba banyuzamo bakanacinya akadiho

Abamotari ntabwo bemeye gucikanwa

MC Bianca ni umwe mu bamaze kumenyera ibi bitaramo

Bwiza yagaragaje ko afite abakunzi benshi i Gicumbi

Bwiza yataramiye i Gicumbi ari kumwe n'itsinda ry'ababyinnyi bamaze igihe bakorana

Bwiza anyuzamo agacinya akadiho

Bushali ari mu baraperi bakomeye mu Rwanda

Bushali ntabwo yatengushye abakunzi be bataramanye nyinshi mu ndirimbo ze zikunzwe

Kenny Sol ni umwe mu bahanzi beretswe urukundo n'abakunzi babo

Kenny Sol ati "Turirimbane mbumve"

Uretse umusore umufasha ku rubyiniro, Kenny Sol ari kugendana inkumi imwe imubyinira

Chriss Eazy yishimiwe bikomeye i Gicumbi

Ibyishimo byamurenze ashyira amavi hasi ataramana n'abakunzi be

Chriss Eazy yaririmbye nyinshi mu ndirimbo ze zigezweho muri iyi minsi

Hari aho Chriss Eazy agera agacinyira akadiho abakunzi be

Bruce Melodie niwe usoza igitaramo

Nubwo amasaha yari yabafashe ntabwo abakunzi b'umuziki bigeze barambirwa Bruce Melodie

Kuva ku ndirimbo za cyera kugeza ku z'uyu munsi, Bruce Melodie yasusurukije abakunzi be

Bruce Melodie ntagisiga itsinda ry'ababyinnyi be

Bruce Melodie yasoje igitaramo ubona ko bwamaze kwira