00:00:00 IGIHE NETWORK KN KINYARWANDA EN ENGLISH FR FRANCAIS

Impinduka mu gitaramo ‘Bianca Fashion Hub’

Yanditswe na Nsengiyumva Emmy
Kuya 20 July 2022 saa 07:30
Yasuwe :

Igitaramo ‘Bianca Fashion Hub’ cyateguwe n’umunyamakuru Bianca cyajemo impinduka bahindura aho cyari kubera kuri Canal Olympia kijyanwa muri Camp Kigali.

Bianca yabwiye IGIHE ko yimuye igitaramo cye kubera ubusabe bw’abantu bakunze kumugaragariza ko ku i Rebero ahubatse Canal Olympia.

Ati “Ni igitaramo cyo kumurika imideli, narebye aho nagombaga kugikorera nsanga kuhategura bihenze kuruta kwimuka. Nguko uko nafashe icyemezo cyo kwimurira ibikorwa muri Camp Kigali.”

Bianca yavuze ko uretse aho iki gitaramo cyari kubera, nta zindi mpinduka zabayeho kuko umunsi n’abazasusurutsa abazacyitabira nta cyahindutse.

Ni ku nshuro ya kabiri umunyamakuru wa Isibo TV, Uwamwezi Mugire uzwi nka Bianca yongeye gutegura ibirori bya ‘Bianca Fashion Hub’ byitabirwa n’abahanga mu kurimba barimo na bamwe mu byamamare bafite amazina akomeye mu Rwanda.

Ibi birori byabaye bwa mbere ku wa 23 Ukwakira 2021, bibera muri ONOMO Hotel. Ku nshuro ya kabiri byitezwe ko bizaba ku wa 20 Kanama 2022. Bizahuriramo Eddy Kenzo na Sheilah Gashumba bari mu bafite amazina akomeye muri Uganda.

Bianca yanatumiye Abraynz, umuhanga mu byo guhanga imideli muri Uganda no mu Karere ka Afurika y’Iburasirazuba, uzaba ari no mu kanama nkemurampaka kazahitamo abazitabira ibi birori barimbye kurusha abandi.

Mu bahanzi bo mu Rwanda uyu mukobwa amaze gutangaza ko bazitabira ibirori bye harimo Alyn Sano na Chris Eazy mu gihe abandi ari kugirana na bo ibiganiro azagenda abatangaza mu minsi iri imbere.

Ni ubwa kabiri Bianca agiye gukora ibirori bya ‘Bianca Fashion Hub’

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .