Ikirango cya Miss Rwanda cyongeye kuvugururwa

Yanditswe na Nsengiyumva Emmy
Kuya 21 Ugushyingo 2019 saa 12:08
Yasuwe :
0 0

Nyuma y’amasaha make hatangajwe ko irushanwa rya Nyampinga w’u Rwanda 2020 rigiye gutangira, abaritegura batangaje ikirango gishya kigiye kwifashishwa.

Mu 2015 nibwo Rwanda Inspiration Back Up yaherukaga guhindura ikirango (Logo) cya Miss Rwanda, icyo gihe uwitwa Ishimwe Kesnate wari warakoze icyabanje yasabye ko kitakongera gukoreshwa nyuma yo kutumvikana n’abategura iri rushanwa.

Hari hamaze imyaka itatu hakoreshwa ikirango kimwe, iki ni nacyo cyifashishijwe ubwo hashyirwaga hanze itangazo rihamagarira abakobwa kwiyandikisha muri Miss Rwanda 2020.

Nyuma y’amasaha make iri tangazo rigiye hanze, ku mbuga nkoranyambaga za Miss Rwanda bahise bashyiraho ikirango gishya cy’iri rushanwa.

Umuyobozi wa Rwanda Inspiration itegura Miss Rwanda, Ishimwe Dieudonne, yabwiye IGIHE ko "Logo ni uko ari yo muri kubona ariko ni kimwe mu bimenyetso by’impinduka ziri kuba muri Miss Rwanda, ikoranye ubuhanga kurusha iya mbere harimo utuntu twinshi tujyanye n’umuco twongeyemo."

Amakuru agera ku IGIHE ni uko iki kirango cyemejwe nyuma y’uko hafashwe icyemezo cyo gutangira irushanwa rya Miss Rwanda 2020 ari nayo mpamvu cyasohotse nyuma y’itangazo rihamagarira abakobwa.

Irushanwa rya Miss Rwanda 2020 ryamaze gutangira, kugeza ubu abakobwa bujuje ibisabwa bakomeje kwiyandikisha babinyujije ku rubuga rwaryo.

Abakobwa biyandikisha basabwa kuba; ari umunyarwandakazi afite ibyangombwa, Afite Imyaka hagati ya 18-24, byibuza yararangije amashuri yisumbuye, azi neza Ikinyarwanda kuba azi rumwe mu ndimi eshatu zemewe mu Rwanda (Igifaransa, Icyongereza ndetse n’Igiswahili) bikaba akarusho, afite metero 1.70, afite ibiro bijyanye n’uburebure bwe ’Body mass index’ (18.5-24.9), atarigeze abyara, yiteguye kuba mu Rwanda mu mwaka wose yamarana ikamba, yiteguye kudakora ubukwe mu gihe cy’umwaka amarana ikamba, yiteguye guhagararira u Rwanda aho ariho hose bikenewe no kuba yiteguye gukurikiza amategeko n’amabwiriza y’abategura Miss Rwanda.

Ikirango cyakoreshwaga kugeza mu mwaka wa 2015 ubwo cyahagarikwaga
Guhera mu 2016 kugeza mu 2019 hakoreshwaga iki kirango
Ikirango gishya cya Miss Rwanda kigiye gukoreshwa guhera muri 2020

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza